ലോക്ഡൗണ് ഇളവുകള്: സി, ഡി വിഭാഗത്തില്പെട്ട സ്ഥലങ്ങളില് പ്രത്യേക ശ്രദ്ധ; പോലിസിന് ജാഗ്രത നിര്ദേശം
ആരാധനാലയങ്ങളില് പ്രവേശിക്കാവുന്നവരുടെ പരമാവധി എണ്ണം നാല്പതായി നിജപ്പെടുത്തിയിട്ടുണ്ട്. ഇത് ഉറപ്പാക്കുന്നതിന് എല്ലാ ജില്ലാ പോലിസ് മേധാവിമാരും സബ് ഡിവിഷണല് പോലിസ് ഓഫസര്മാരും സ്റ്റേഷന് ഹൗസ് ഓഫിസര്മാരും മതനേതാക്കളുമായും സാമുദായ പ്രതിനിധികളുമായും സമ്പര്ക്കം പുലര്ത്തും.
തിരുവനന്തപുരം: വലിയപെരുന്നാളിനോടനുബന്ധിച്ച് മൂന്ന് ദിവസം തുടര്ച്ചയായി കടകള് തുറക്കുന്ന സാഹചര്യത്തില് കൊവിഡ് മാനദണ്ഡങ്ങള് കര്ശനമായി പാലിക്കുന്നുവെന്ന് ഉറപ്പാക്കാന് സംസ്ഥാന പോലിസ് മേധാവി അനില് കാന്ത് ജില്ലാ പോലിസ് മേധാവിമാര്ക്ക് നിര്ദ്ദേശം നല്കി.
ഈ ദിവസങ്ങളില് ആരാധനാലയങ്ങളില് പ്രവേശിക്കാവുന്നവരുടെ പരമാവധി എണ്ണം നാല്പതായി നിജപ്പെടുത്തിയിട്ടുണ്ട്. ഇത് ഉറപ്പാക്കുന്നതിന് എല്ലാ ജില്ലാ പോലിസ് മേധാവിമാരും സബ് ഡിവിഷണല് പോലിസ് ഓഫസര്മാരും സ്റ്റേഷന് ഹൗസ് ഓഫിസര്മാരും മതനേതാക്കളുമായും സാമുദായ പ്രതിനിധികളുമായും നിരന്തരം സമ്പര്ക്കം പുലര്ത്തും. ഭക്തര് സാമൂഹിക അകലം ഉള്പ്പെടെ എല്ലാവിധ കൊവിഡ് മാനദണ്ഡങ്ങളും പാലിക്കുന്നുവെന്ന് ഉറപ്പാക്കാന് ഇത് ഉപകരിക്കും.
കടകളിലെ തിരക്ക് നിയന്ത്രിക്കുന്നതിനും സാമൂഹിക അകലം പാലിക്കുന്നുവെന്ന് ഉറപ്പാക്കുന്നതിനും പ്രത്യേകശ്രദ്ധ നല്കാനും നിര്ദ്ദേശമുണ്ട്. കച്ചവടക്കാരുടെ പ്രതിനിധികളുമായി ചര്ച്ച ചെയ്ത് രോഗവ്യാപനത്തിന്റെ സാധ്യത പൂര്ണമായും ഇല്ലാതാക്കണം. സി, ഡി വിഭാഗത്തില്പെട്ട സ്ഥലങ്ങളില് പ്രത്യേക ശ്രദ്ധനല്കും. ജനങ്ങള് പൊതുസ്ഥലങ്ങളില് സാമൂഹിക അകലം പാലിക്കുന്നുവെന്ന് ഉറപ്പാക്കാന് പോലിസ് അനൗണ്സ്മെന്റ് നടത്തും. ഇക്കാര്യം ജനങ്ങളിലേയ്ക്ക് എത്തിക്കാന് സാമൂഹിക മാധ്യമങ്ങള് പരമാവധി വിനിയോഗിക്കും. സന്നദ്ധസംഘടനകളുടെ സഹകരണവും ഇതിനായി വിനിയോഗിക്കും.
ബീറ്റ് പട്രോള്, മൊബൈല് പട്രോള്, വനിതാ മോട്ടോര്സൈക്കിള് പട്രോള് എന്നീ യൂനിറ്റുകള് സദാസമയവും നിരത്തിലുണ്ടാകും. മുഴുവന് പോലിസ് ഉദ്യോഗസ്ഥരെയും ഇതിനായി വിനിയോഗിക്കും.
RELATED STORIES
സിംഗപ്പൂര് വിമാനം ആടിയുലഞ്ഞ് ഒരു മരണം; നിരവധി പേര്ക്കു...
21 May 2024 2:38 PM GMTഗവര്ണര്ക്ക് തിരിച്ചടി; കേരള സർവകലാശാല സെനറ്റിലേക്ക് സ്വന്തം നിലയിൽ...
21 May 2024 1:49 PM GMTജൂൺ നാലിന് ബിജെപി സർക്കാർ ഉണ്ടാക്കില്ല; അമിത് ഷാ പ്രധാനമന്ത്രിയാവില്ല- ...
21 May 2024 1:36 PM GMTഗവര്ണര്ക്ക് തിരിച്ചടി; കേരള സര്വകലാശാല സെനറ്റിലേക്കുള്ള...
21 May 2024 11:28 AM GMTമഴ മുന്നറിയിപ്പില് മാറ്റം; മൂന്ന് ജില്ലകളിലെ റെഡ് അലേര്ട്ട്...
21 May 2024 10:49 AM GMTനിയന്ത്രണം നഷ്ടപ്പെട്ട കാർ മരത്തിലിടിച്ച് തലകീഴായി മറിഞ്ഞു;...
21 May 2024 9:25 AM GMT