തൊഴില്മേഖലയില് അധിക നൈപുണ്യമാര്ജിക്കാന് 1.5 ലക്ഷം രൂപവരെ വായ്പ; പഠനം പൂര്ത്തിയാക്കിയ വിദ്യാര്ത്ഥികള്ക്ക് അപേക്ഷിക്കാം
തിരുവനന്തപുരം; അക്കാദമിക വിദ്യാഭ്യാസത്തിനൊപ്പം നൈപുണ്യ പരിശീലനത്തിനും പ്രാധാന്യം നല്കുന്നതിനായി അസാപ് കേരളയും കനറാ ബാങ്കും ചേര്ന്ന് സ്കില് ലോണ് പദ്ധതി നടപ്പാക്കുന്നു. വിദ്യാര്ഥികള്ക്കും പഠനം പൂര്ത്തിയാക്കിയ ഉദ്യോഗാര്ഥികള്ക്കും തങ്ങളുടെ ഇഷ്ട തൊഴില് മേഖലയില് അധികനൈപുണ്യം നേടുന്നതിന് ജാമ്യമോ ഈടോ ഇല്ലാതെ 5,000 മുതല് 1.5 ലക്ഷം രൂപ വരെ പദ്ധതി പ്രകാരം വായ്പ ലഭിക്കുമെന്ന് ഉന്നത വിദ്യാഭ്യാസ വകുപ്പ് മന്ത്രി ഡോ. ആര്. ബിന്ദു വാര്ത്താ സമ്മേളനത്തില് പറഞ്ഞു.
കോഴ്സ് കാലയളവിലും തുടര്ന്നുള്ള ആറുമാസവും മൊറട്ടോറിയവും മൂന്നു വര്ഷം മുതല് ഏഴ് വര്ഷം വരെ തിരിച്ചടവ് കാലാവധിയും ലഭിക്കത്തക്കവിധമാണ് സ്കില് ലോണുകള് നല്കുക. സാമ്പത്തിക പ്രയാസങ്ങള് മൂലം നൈപുണ്യ പരിശീലനം നേടാന് സാധിക്കാത്ത വിദ്യാര്ത്ഥികളെ സഹായിക്കുകയാണു പദ്ധതിയുടെ ലക്ഷ്യം.
സ്കില് കോഴ്സുകളില് രജിസ്റ്റര് ചെയ്ത വിദ്യാര്ഥികള്ക്ക് തൊട്ടടുത്ത കനറാ ബാങ്കില് നേരിട്ടോ, വിദ്യാലക്ഷ്മി പോര്ട്ടല് വഴിയോ ലോണിനായി അപേക്ഷിക്കാം. അസാപ് കോഴ്സുകള്ക്ക് പുറമെ എന്.എസ്.ക്യു.എഫ് / എന്.എസ്.ഡി.സി. അംഗീകൃത കോഴ്സുകള് ചെയ്യുന്ന കേന്ദ്ര സംസ്ഥാന സര്ക്കാര് അംഗീകൃത സ്ഥാപനങ്ങളിലെ വിദ്യാര്ഥികള്ക്കും ഇതിന്റെ ഗുണം ലഭിക്കുമെന്നും മന്ത്രി പറഞ്ഞു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
