കത്ത് വിവാദം; പ്രതിപക്ഷ പാര്ട്ടികളുമായി എം ബി രാജേഷ് ഇന്ന് വൈകീട്ട് ചര്ച്ച നടത്തും
തിരുവനന്തപുരം: കത്ത് വിവാദത്തില് നഗരസഭയില് നടക്കുന്ന സമരം അവസാനിപ്പിക്കാന് ലക്ഷ്യമിട്ട് മന്ത്രി എം ബി രാജേഷ് പ്രതിപക്ഷ പാര്ട്ടികളുമായി ഇന്ന് ചര്ച്ച നടത്തും. പ്രതിപക്ഷ പാര്ട്ടികള്ക്ക് പുറമെ എല്ഡിഎഫ് പ്രതിനിധികളും ചര്ച്ചയില് പങ്കെടുക്കും. നഗരസഭയില് പ്രാതിനിധ്യമുള്ള പാര്ട്ടികളുടെ പ്രതിനിധികളെയാണ് ചര്ച്ചയ്ക്ക് വിളിച്ചിരിക്കുന്നത്. തദ്ദേശ സ്വയം ഭരണ വകുപ്പിന്റെ നേതൃത്വത്തില് വൈകീട്ട് നാലിന് സെക്രട്ടേറിയറ്റിലാണ് യോഗം.
തിരുവനന്തപുരം നഗരസഭാ കൗണ്സിലില് പ്രാതിനിധ്യമുള്ള പാര്ട്ടികളുടെ ജില്ലാ ഭാരവാഹികളാണ് മന്ത്രിയുമായി ചര്ച്ച നടത്തുന്നത്. മേയര് ആര്യാ രാജേന്ദ്രനും നഗരസഭാ പാര്ലമെന്ററി പാര്ട്ടി സെക്രട്ടറി ഡി ആര് അനിലും രാജിവയ്ക്കണമെന്നാവശ്യപ്പെട്ട് നഗരസഭയ്ക്ക് അകത്തും പുറത്തുമായി ഒരുമാസമായി പ്രതിപക്ഷം സമരം നടത്തുകയാണ്.
അതേസമയം, ചര്ച്ചയില് മേയറുടെ രാജിയും നിഷ്പക്ഷ അന്വേഷണവും ആവശ്യപ്പെടാനാണ് പ്രതിപക്ഷ തീരുമാനം. രാജി പ്രതിപക്ഷത്തിന്റെ രാഷ്ട്രീയ ആവശ്യമാണെന്നും അന്വേഷണം നടക്കുന്ന സാഹചര്യത്തില് സമരം അവസാനിപ്പിക്കണമെന്നുമാണ് എല്ഡിഎഫ് വാദം. കത്ത് വിവാദത്തില് തിരുവനന്തപുരം നഗരസഭയിലേക്ക് ബിജെപി മാര്ച്ച് നടത്തും. ഭരണസമിതിയെ പിരിച്ചുവിടണമെന്നാണ് ആവശ്യം. മേയറുടെ രാജി ആവശ്യപ്പെട്ടുള്ള കോണ്ഗ്രസ് ധര്ണയും തുടരുകയാണ്.
RELATED STORIES
ഇന്ത്യയില് ജുഡീഷ്യറിയെ അട്ടിമറിക്കുന്നു; ആശങ്കയറിയിച്ച് സുപ്രിംകോടതി...
28 March 2024 2:42 PM GMTകെജ് രിവാളിന്റെ ഇ ഡി കസ്റ്റഡി നാലുദിവസം കൂടി നീട്ടി; കോടതിയില് സ്വയം...
28 March 2024 1:59 PM GMTപോലിസ് സ്റ്റേഷനുമുന്നില് പെട്രോളൊഴിച്ച് തീകൊളുത്തിയ യുവാവ് മരിച്ചു
28 March 2024 12:44 PM GMTദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച മണിപ്പൂര് ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMT