കലഞ്ഞൂരില്‍ ജനവാസമേഖലയില്‍ പുലിയിറങ്ങി ആടിനെ കൊന്നു

പത്തനംതിട്ട: ജില്ലയിലെ കലഞ്ഞൂരില്‍ ജനവാസ മേഖലയിലിറങ്ങിയ പുലി ആടിനെ കൊന്നു. ചൊവ്വാഴ്ച രാത്രിയിലാണ് സംഭവം. ഇഞ്ചപ്പാറ ജോസിന്റെ ആടിനെയാണ് പുലി ആക്രമിച്ചത്. കഴിഞ്ഞയാഴ്ചയും മേഖലയില്‍ പുലിയിറങ്ങി ആടിനെ കൊന്നിരുന്നു. പ്രദേശത്ത് നിരന്തരം പുലിയുടെ സാന്നിധ്യമുണ്ടാവുന്ന സാഹചര്യത്തില്‍ നിരീക്ഷണ കാമറ സ്ഥാപിക്കുമെന്ന് വനപാലകര്‍ അറിയിച്ചു.