'ജനങ്ങള്ക്കുവേണ്ടി വിശ്രമരഹിതമായി പ്രവര്ത്തിച്ച നേതാവ്': ജോസഫൈന്റെ നിര്യാണത്തില് ദുഃഖം രേഖപ്പെടുത്തി മുഖ്യമന്ത്രി
കണ്ണൂര്: സിപിഎമ്മിന്റെ സമുന്നത നേതാവ് എം സി ജോസഫൈന്റെ ആകസ്മിക വിയോഗം തീവ്രമായ വ്യസനമുണ്ടാക്കുന്നതാണെന്നും തൊഴിലാളികള്ക്കും സ്ത്രീകള്ക്കും ജനങ്ങള്ക്കാകെയും വേണ്ടി വിശ്രമരഹിതമായി പ്രവര്ത്തിച്ച നേതാവാണ് അവരെന്നും അനുശോചന സന്ദേശത്തില് മുഖ്യമന്ത്രി പിണറായി വിജയന്. ജോസഫൈന്റെ വേര്പാട് കേരളത്തിലെ പുരോഗമന പ്രസ്ഥാനത്തിനും സ്ത്രീ മുന്നേറ്റങ്ങള്ക്കും കനത്ത നഷ്ടമാണുണ്ടാക്കുന്നതെന്നും മുഖ്യമന്ത്രി അഭിപ്രായപ്പെട്ടു.
''പാര്ട്ടിയുടെ ഇരുപത്തിമൂന്നാം കോണ്ഗ്രസ്സില് പങ്കെടുത്തു കൊണ്ടിരിക്കെയാണ് സഖാവിന് ഹൃദയാഘാതമുണ്ടായത്. തൊഴിലാളികള്ക്കും സ്ത്രീകള്ക്കും ജനങ്ങള്ക്കാകെയും വേണ്ടി വിശ്രമരഹിതമായി പ്രവര്ത്തിച്ച നേതാവാണ് ജോസഫൈന്. വിദ്യാര്ഥി യുവജന മഹിളാ പ്രസ്ഥാനങ്ങളില് അരനൂറ്റാണ്ടിലേറെയായി ജോസഫൈന്റെ സാന്നിധ്യം ഉണ്ട്. ഇടപെട്ട മേഖലകളിലെല്ലാം വ്യക്തിമുദ്ര പതിപ്പിച്ച അവര് സ്ത്രീകളുടെയും തൊഴിലാളികളുടെയും അവകാശങ്ങള്ക്കു വേണ്ടി വിട്ടുവീഴ്ചയില്ലാത്ത നിലപാടുകളാണെടുത്തത്. ജനാധിപത്യ മഹിളാ അസോസിയേഷന് അഖിലേന്ത്യാ നേതാവ്, വനിതാ കമീഷന് അധ്യക്ഷ എന്നീ നിലകളിലുള്ള ജോസഫൈന്റെ ഇടപെടലുകള് സ്ത്രീ സമൂഹത്തിന് നീതി ഉറപ്പാക്കുക, പുരോഗതിയിലേക്ക് നയിക്കുക എന്ന ലക്ഷ്യത്തില് ഊന്നിയുള്ളതായിരുന്നു. വിവിധ തൊഴിലാളി യൂണിയനുകളുടെ നേതാവ്, വനിതാ വികസന കോര്പറേഷന്റെയും വിശാലകൊച്ചി വികസന അതോറിറ്റിയുടെയും നായിക എന്നീ നിലകളിലും ശ്രദ്ധേയമായ സംഭാവനകളാണ് അവര് നല്കിയത്. ജോസഫൈന്റെ വേര്പാട് കേരളത്തിലെ പുരോഗമന പ്രസ്ഥാനത്തിനും സ്ത്രീ മുന്നേറ്റങ്ങള്ക്കും കനത്ത നഷ്ടമാണുണ്ടാക്കുന്നത്. സഖാവിന്റെ നിര്യാണത്തില് അഗാധമായ ദുഃഖം രേഖപ്പെടുത്തുന്നു''- പിണറായി വിജയന് അനുശോചന സന്ദേശത്തില് എഴുതി.
RELATED STORIES
ഐപിഎല് അപരാജിതരെ സണ്റൈസേഴ്സ് വീഴ്ത്തി; ഒരു റണ് തോല്വിയില്...
2 May 2024 6:15 PM GMT'400 സ്ത്രീകളെ ബലാല്സംഗം ചെയ്തയാള്ക്ക് വോട്ട് ചെയ്യാനാണ് പറയുന്നത്'; ...
2 May 2024 2:13 PM GMTഡ്രൈവിങ് ടെസ്റ്റ് പരിഷ്കരണത്തിനെതിരായ സമരം; മലപ്പുറം ജില്ലക്കെതിരായ...
2 May 2024 1:20 PM GMT'ബിജെപിക്ക് വോട്ട്'; അധിര് രഞ്ജന് ചൗധരിക്കെതിരേ തൃണമൂലും മമതയും
2 May 2024 11:40 AM GMTപോലിസുകാരനെ വിഷദ്രാവകം കുത്തിവെച്ച് കൊലപ്പെടുത്തി ലഹരി സംഘം
2 May 2024 11:39 AM GMTവടകരയിലെ വർഗീയ ധ്രുവീകരണം കലക്ടർ ഇടപെടണം: എസ്ഡിപിഐ
2 May 2024 11:38 AM GMT