ആര്യനാട് വെയിറ്റിങ് ഷെഡില്‍ കെഎസ്ആര്‍ടിസി ബസ് ഇടിച്ച് കുട്ടികളുള്‍പ്പെടെ ആറുപേര്‍ക്ക് പരിക്ക്, ഒരാളുടെ നില ഗുരുതരം

തിരുവനന്തപുരം: തിരുവനന്തപുരം ആര്യനാട് ഈഞ്ചപ്പുരിയില്‍ കെഎസ്ആര്‍ടിസി ബസ് വെയിറ്റിങ് ഷെഡിലിടിച്ച് സ്‌കൂള്‍ കുട്ടികളുള്‍പ്പെടെ ആറുപേര്‍ക്ക് പരിക്ക്. ഒരാളുടെ നില ഗുരുതരം. സോമന്‍ നായര്‍(65) നാണ് പരിക്കേറ്റത്. പരിക്കറ്റേവരെ തിരുവനന്തപുരം മെഡിക്കല്‍കോളജ് ആശുപത്രിയില്‍ പ്രവേശിപ്പിച്ചു.

സ്‌കൂളിലേക്ക് പോകാന്‍ ബസ് കാത്ത് നിന്ന അഞ്ച് കുട്ടികളുള്‍പ്പെടെ ആറുപേര്‍ക്കാണ് പരിക്കേറ്റത്. ഇന്ന് രാവിലെയാണ് 9.15 ഓടെയാണ് സംഭവം. വളവ് തിരിഞ്ഞ് കയറുന്നതിനിടെ ബസ് വെയിറ്റിങ് ഷെഡിന്റെ കോണ്‍ക്രീറ്റ് റൂഫില്‍ ഇടിച്ച് ഷെഡ് തകര്‍ന്ന് വീഴുകയായിരുന്നു. പഴക്കമുള്ള വെയിറ്റ് ഷെഡ് തകര്‍ന്ന് വീണാണ് കു്ട്ടികള്‍ക്ക് ഉള്‍പ്പെടെ പരിക്കേറ്റത്.

ബസ് ഇടിച്ച് കാത്തിരിപ്പ് കേന്ദ്രം പൂര്‍ണമായും തകര്‍ന്നു.