കെഎസ്ആര്ടിസി ബസ്സിടിച്ച് യുവാക്കള് മരിച്ച സംഭവം; ഡ്രൈവറെ സര്വീസില് നിന്ന് പിരിച്ചുവിട്ടു
പാലക്കാട്: കുഴല്മന്ദത്ത് കെഎസ്ആര്ടിസി ബസ്സിടിച്ച് രണ്ട് യുവാക്കള് മരിച്ച സംഭവത്തില് ഡ്രൈവറെ സര്വീസില് നിന്ന് പിരിച്ചുവിട്ടു. പീച്ചി സ്വദേശി സി എല് യൗസേപ്പിനെയാണ് കെഎസ്ആര്ടിസി പുറത്താക്കിയത്. ഇയാളുടെ ഭാഗത്ത് വീഴ്ചയുണ്ടായതായി കണ്ടെത്തിയതിനെ തുടര്ന്നാണ് നടപടി. ഡ്രൈവറെ ജോലിയില് തുടരാന് അനുവദിച്ചാല് കൂടുതല് മനുഷ്യജീവന് നഷ്ടമാവുമെന്ന് യൗസേപ്പിനെ പിരിച്ചുവിട്ടുകൊണ്ടുള്ള ഉത്തരവില് പറയുന്നു. 2022 ഫെബ്രുവരി ഏഴിനാണ് ബൈക്ക് യാത്രകരായ രണ്ട് യുവാക്കള് കെഎസ്ആര്ടിസി ബസ്സിടിച്ച് മരിച്ചത്.
ബസ്സിന് പോവാന് ഇടതുവശത്ത് സ്ഥലമുണ്ടായിരിക്കെ വലതുവശത്തുകൂടി പോയ ബൈക്കിനെ തട്ടിത്തെറിപ്പിക്കുകയായിരുന്നു. ആദ്യം മനപ്പൂര്വമല്ലാത്ത നരഹത്യയ്ക്കാണ് ഡ്രൈവര്ക്കെതിരേ കേസെടുത്തത്. മരിച്ച യുവാക്കളുടെ ബന്ധുക്കള് ഹൈക്കോടതിയെ സമീപിച്ചതോടെ ക്രൈംബ്രാഞ്ച് അന്വേഷണം ഏറ്റെടുത്തു. ഇയാള് മനപ്പൂര്വം അപകടമുണ്ടാക്കുകയായിരുന്നുവെന്ന് ദൃശ്യങ്ങളുടെ സഹായത്തോടെ നടത്തിയ അന്വേഷണത്തില് പിന്നീട് കണ്ടെത്തി. കുറ്റപത്രത്തിന്റെ അടിസ്ഥാനത്തില് കെഎസ്ആര്ടിസി നടത്തിയ ആഭ്യന്തര അന്വേഷണത്തെതുടര്ന്നാണ് നടപടി. യുവാക്കളുമായി തൊട്ടുമുമ്പുണ്ടായ വാക്കുതര്ക്കത്തിന്റെ വൈരാഗ്യം തീര്ക്കാന് ഇയാള് മനപ്പൂര്വം അപകടമുണ്ടാക്കുകയായിരുന്നുവെന്ന് നേരത്തെ ആരോപണമുയര്ന്നിരുന്നു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT