സംസ്ഥാന സ്‌കൂൾ കായികമേളക്ക് ഇന്ന് തുടക്കം

തിരുവനന്തപുരം: രണ്ടുവർഷത്തെ ഇടവേളക്ക്‌ ശേഷം സംസ്ഥാന സ്‌കൂൾ കായികമേള ഇന്ന് തുടങ്ങും. വൈകിട്ട്‌ ആറുമണിക്ക് ചന്ദ്രശേഖരൻ നായർ സ്‌റ്റേഡിയത്തിൽ കായികോത്സവത്തിന്റെ 36-ാം പതിപ്പ്‌ മുഖ്യമന്ത്രി പിണറായി വിജയൻ ഉദ്‌ഘാടനം ചെയ്യും. ചന്ദ്രശേഖരൻ നായർ സ്‌റ്റേഡിയത്തിലും യൂണിവേഴ്‌സിറ്റി സ്‌റ്റേഡിയത്തിലുമാണ്‌ മത്സരം.

രാത്രിയിലും മത്സരമുണ്ടെന്നതാണ്‌ ഈ വർഷത്തെ മേളയുടെ പ്രത്യേകത. ഡിസംബർ ആറ് വരെ നീളുന്ന മേളയിൽ 98 ഇനങ്ങളിലായി 2737 താരങ്ങൾ മാറ്റുരയ്ക്കും. ആദ്യദിനമായ ഇന്ന് 23 ഫൈനൽ നടക്കും.