മാധ്യമപ്രവര്‍ത്തകനെ മര്‍ദ്ദിച്ച സംഭവം: തിരൂര്‍ എസ്.എച്ച്. ഒയെ സ്ഥലം മാറ്റി

തിരൂര്‍: പത്രപ്രവര്‍ത്തക യൂണിയന്‍ മലപ്പുറം ജില്ലാ സെക്രട്ടറി കെ പി എം റിയാസിന് പോലിസ് മര്‍ദ്ദനമേറ്റ സംഭവത്തില്‍ തിരൂര്‍ സ്‌റ്റേഷന്‍ ഹൗസ് ഓഫിസര്‍ ടി.പി. ഫര്‍ഷാദിനെ സ്ഥലംമാറ്റി.

സ്‌റ്റേഷന്‍ ഹൗസ് ഓഫിസര്‍ ഉടന്‍തന്നെ മലപ്പുറം ജില്ലാ പൊലീസ് കാര്യാലയത്തില്‍ റിപ്പോര്‍ട്ട് ചെയ്യാനാണ് ആവശ്യപ്പെട്ടിരിക്കുന്നത്. പുതിയ നിയമനം പിന്നീട് നല്‍കുമെന്ന് ഡപ്യൂട്ടി ഡയറക്ടര്‍ അറിയിച്ചു.

വീടിനടുത്ത കടയില്‍ നിന്ന് സാധനം വാങ്ങാന്‍ നിന്ന മാധ്യമപ്രവര്‍ത്തകനെയാണ് പ്രത്യേകിച്ച് പ്രകോപനമൊന്നുമില്ലാതെ ഫര്‍ഷാദ് മര്‍ദ്ദിച്ചത്.

ലോക്ക് ഡൗണ്‍ ലംഘനങ്ങള്‍ ആരോപിച്ച് പോലിസുകാര്‍ സ്വന്തം ഇഷ്ടപ്രകാരം നിയമങ്ങള്‍ വ്യാഖ്യാനിക്കുകയാണെന്ന് നേരത്തെ മുതല്‍ ആരോപണമുണ്ട്.