ഇസ്രായേല് തടവറയിലടച്ചിരിക്കുന്നത് 17 ഫലസ്തീന് മാധ്യമപ്രവര്ത്തകരെ
ഗസ സിറ്റി; ഇസ്രായേല് ഭരണകൂടം 17 ഫലസ്തീന് മാധ്യമപ്രവര്ത്തകരെ തടവറയ്ക്കുളളിലടച്ചതായി അറബ് മാധ്യമപ്രവര്ത്തക കൂട്ടായ്മ. ശനിയാഴ്ച പുറത്തിറക്കിയ പ്രസ്താവനയിലാണ് സംഘടന മാധ്യമപ്രവര്ത്തകര് അനുഭവിക്കുന്ന അനീതി വെളിപ്പെടുത്തിയത്.
അറസ്റ്റിലായ ഏഴ് പേരെ ഇതിനകം ശിക്ഷിച്ചതായും ബാക്കി അഞ്ച് പേര് വിചാരണപോലും നേരിടാതെ തടവില് കഴിയുകയാണെന്നും അഞ്ച് പേര് വിധി കാത്തിരിക്കുകയാണെന്നും 'ജേര്ണലിസ്റ്റ് സപോര്ട്ട് കമ്മിറ്റി' പറഞ്ഞു.
ഇസ്രായേലി അഡ്മിനിസ്ട്രേറ്റീവ് ഡിറ്റെന്ഷന് നയം വിചാരണകൂടാതെ വ്യക്തികളെ തടവയില് വയ്ക്കാന് ഭരണകൂടത്തിന് അധികാരം നല്കുന്നു. പ്രത്യേകിച്ച് കേസുകളൊന്നും ചുമത്താതെ വ്യക്തികളെയും മാധ്യമപ്രവര്ത്തകരെയും തടവില് വയ്ക്കുന്നതിനെതിരേ മാധ്യമപ്രവര്ത്തക സമിതി മുന്നറിപ്പ് നല്കി.
അന്താരാഷ്ട്ര നിയമങ്ങളുടെയും മനുഷ്യാവകാശത്തിന്റെയും നഗ്നമായ ലംഘനമാണ് നടക്കുന്നത്. ഫലസ്തീന് മാധ്യമങ്ങളെ നിശ്ശബ്ദമാക്കാനും ഫലസ്തീന് ജനതയുടെ നിശ്ചയദാര്ഢ്യത്തെ തകര്ക്കാനുമുള്ള ഇസ്രായേല് ശ്രമമാണ് നടക്കുന്നതെന്നും സംഘടന കുറ്റപ്പെടുത്തി.
ഏകദേശം 500 അഡ്മിനിസ്ട്രേറ്റീവ് തടവുകാര് ഉള്പ്പെടെ കുറഞ്ഞത് 4,600 ഫലസ്തീനികള് ഇസ്രായേലി ജയിലുകളില് തടവില് കഴിയുന്നുണ്ട്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
