രാജ്യാന്തര ചലച്ചിത്രമേളയ്ക്ക് ഇന്ന് തുടക്കം
തിരുവനന്തപുരം: കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന 27ാമത് രാജ്യാന്തര ചലച്ചിത്രമേളയ്ക്ക് (ഐഎഫ്എഫ്കെ) ഇന്ന് തുടക്കം. വൈകീട്ട് 3.30ന് മുഖ്യമന്ത്രി പിണറായി വിജയന് ഉദ്ഘാടനം ചെയ്യും. നിശാഗന്ധി ഓഡിറ്റോറിയത്തില് നടക്കുന്ന ചടങ്ങില് സാംസ്കാരിക മന്ത്രി വി എന് വാസവന് അധ്യക്ഷത വഹിക്കും. ബ്രിട്ടീഷ് ഫിലിം ഇന്സ്റ്റിറ്റിയൂട്ടിലെ റെസിഡന്റ് പിയാനിസ്റ്റ് ആയ ജോണി ബെസ്റ്റ് വിശിഷ്ടാതിഥിയായിരിക്കും. ഇറാനില് സ്ത്രീകളുടെ അവകാശങ്ങള്ക്കുവേണ്ടി പൊരുതുന്ന സംവിധായിക മഹ്നാസ് മുഹമ്മദിക്ക് സ്പിരിറ്റ് ഓഫ് സിനിമ അവാര്ഡ് നല്കി മുഖ്യമന്ത്രി ആദരിക്കും.
യാത്രാനിയന്ത്രണങ്ങള് കാരണം മേളയില് പങ്കെടുക്കാന് സാധിക്കാത്ത മഹ്നാസിനുവേണ്ടി ഗ്രീക്ക് ചലച്ചിത്രകാരിയും ജൂറി അംഗവുമായ അതീന റേച്ചല് സംഗാരി അവാര്ഡ് ഏറ്റുവാങ്ങും. ജൂറി ചെയര്മാനും ജര്മന് സംവിധായകനുമായ വീറ്റ് ഹെല്മര് ചടങ്ങില് പങ്കെടുക്കും. ഫെസ്റ്റിവല് ബുക്ക് തൊഴില് മന്ത്രി വി ശിവന്കുട്ടി ഗതാഗത മന്ത്രി ആന്റണി രാജുവിന് നല്കി പ്രകാശനം ചെയ്യും. മന്ത്രി ജി ആര് അനില് മേയര് ആര്യാ രാജേന്ദ്രന് നല്കിക്കൊണ്ട് ഫെസ്റ്റിവല് ബുള്ളറ്റിന് പ്രകാശനം ചെയ്യും. ചലച്ചിത്ര സമീക്ഷയുടെ ഫെസ്റ്റിവല് പതിപ്പ് അഡ്വ.വി കെ പ്രശാന്ത് എംഎല്എ കെഎസ്എഫ്ഡിസി ചെയര്മാന് ഷാജി എന് കരുണിന് നല്കിയും പ്രകാശനം ചെയ്യും. ഉദ്ഘാടനച്ചടങ്ങിനുശേഷം അഞ്ചിന് പുര്ബയന് ചാറ്റര്ജിയുടെ സിതാര് സംഗീതക്കച്ചേരി ഉണ്ടായിരിക്കും.
സംഗീത പരിപാടിക്കുശേഷം ഉദ്ഘാടനചിത്രമായ ടോറി ആന്റ് ലോകിത പ്രദര്ശിപ്പിക്കും. ബെല്ജിയം, ഫ്രാന്സ് എന്നീ രാജ്യങ്ങളുടെ സംയുക്തസംരംഭമായ ഈ ചിത്രത്തിന്റെ ഇന്ത്യയിലെ ആദ്യപ്രദര്ശനമാണിത്. 16 വരെ നടക്കുന്ന മേളയില് 70 രാജ്യങ്ങളില്നിന്നുള്ള 186 സിനിമകള് പ്രദര്ശിപ്പിക്കും. അന്താരാഷ്ട്ര മല്സരവിഭാഗത്തില് 14 സിനിമകളും മലയാള സിനിമ റ്റുഡേ വിഭാഗത്തില് 12 ചിത്രങ്ങളും ഇന്ത്യന് സിനിമ നൗ വിഭാഗത്തില് ഏഴ് സിനിമകളും പ്രദര്ശിപ്പിക്കും. ലോകസിനിമാ വിഭാഗത്തില് 78 സിനിമകളാവും പ്രദര്ശിപ്പിക്കുക.
RELATED STORIES
വിദ്വേഷ പ്രസംഗം; പ്രധാനമന്ത്രിയോട് വിശദീകരണം തേടി തിരഞ്ഞെടുപ്പ്...
25 April 2024 7:43 AM GMTപ്രധാനമന്ത്രിയുടെ പ്രസംഗം എക്സ് ഹാന്റിലിൽ പങ്കുവെച്ചു; ബിജെപിക്കെതിരെ...
25 April 2024 7:34 AM GMTമമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMTപട്നയില് ജെഡിയു നേതാവിനെ വെടിവച്ചുകൊന്നു
25 April 2024 5:32 AM GMTരാമക്ഷേത്രവുമായി ബന്ധപ്പെട്ട പരാമര്ശം: മോദിയുടെ പ്രസംഗത്തില്...
25 April 2024 5:18 AM GMTഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMT