ഫൈസര്‍ കൊവിഡ് വാക്‌സിനെടുത്തശേഷം ഹൃദയവീക്കം; ഇസ്രായേല്‍ അന്വേഷണം പ്രഖ്യാപിച്ചു

ന്യൂയോര്‍ക്ക്: ഫൈസര്‍ ഇന്‍ഡസ്ട്രീസ് വികസിപ്പിച്ചെടുത്ത ബയൊടെക് എസ് ഇ കൊറോണവൈറസ് വാക്‌സിന്‍ സ്വീകരിച്ച ഏതാനും പേര്‍ക്ക് ഹൃദയവീക്കം ഉണ്ടായ സംഭവം അന്വേഷിക്കണവിധേയമാക്കുമെന്ന് ഇസ്ട്രായേല്‍ പ്രഖ്യാപിച്ചു.

ഫൈസര്‍ വാക്‌സിന്‍ സ്വീകരിച്ച ഏകദേശം 62ഓളം പേര്‍ക്കാണ് ഹൃദയഭിത്തി, ഹൃദയവുമായി ബന്ധപ്പെട്ട പേശികള്‍ എന്നിവയില്‍ വീക്കമുണ്ടാക്കിയതായി കണ്ടെത്തിയത്. രാജ്യത്ത് ഇതുവരെ 5 ദശലക്ഷം പേര്‍ക്കാണ് കൊവിഡ് വാക്‌സിന്‍ നല്‍കിയിട്ടുണ്ട്.

ഒരു ലക്ഷത്തില്‍ ഒരാള്‍ക്കാണ് ഹൃദയവീക്കം ഉണ്ടായിട്ടുള്ളത്. 18 വയസ്സിനു മുകളില്‍ പുരുഷന്മാരില്‍ ഈ അളവ് 20,000ത്തില്‍ ഒന്നാണ്. വാക്‌സിനെടുത്ത രണ്ട് പേര്‍ മരിച്ചു. മറ്റുള്ളവര്‍ക്ക് രോഗം ഭേദമായി.

വാക്‌സിന്‍ എടുത്തവരില്‍ മരണനിരക്ക് കൂടുതലാണെന്ന് പഠനങ്ങള്‍ തെളിയിച്ചിട്ടില്ലെന്ന് ആരോഗ്യവകുപ്പ് പറയുന്നു.

അന്വേഷണം നടത്തുന്ന വിവരം ഫൈസറിനെ അറിയിച്ചിട്ടുണ്ട്.