5 വര്‍ഷങ്ങള്‍ക്ക് ശേഷം ഇന്ത്യ-ചൈന വിമാന സര്‍വീസ് തിരിച്ചെത്തുന്നു

ന്യൂഡല്‍ഹി: കൊവിഡിനുശേഷം അഞ്ചുവര്‍ഷമായി നിര്‍ത്തിവച്ചിരുന്ന ഇരുരാജ്യങ്ങളിലേക്കുമുള്ള നേരിട്ടുള്ള വിമാന സര്‍വീസുകള്‍ ഈ മാസം അവസാനം മുതല്‍ പുനഃസ്ഥാപിക്കുന്നു. കഴിഞ്ഞ ഓഗസ്റ്റില്‍ ഷാങ്ഹായ് കോ ഓപ്പറേഷന്‍ ഓര്‍ഗനൈസേഷന്‍ ഉച്ചകോടിയില്‍ പ്രധാനമന്ത്രി നരേന്ദ്ര മോദിയും ചൈനീസ് പ്രസിഡന്റ് ഷി ജിന്‍പിങ്ങും നടത്തിയ കൂടിക്കാഴ്ചയ്ക്കുശേഷമാണ് നടപടി.

ഇരു രാജ്യങ്ങളുടെയും വ്യോമയാന ഉദ്യോഗസ്ഥര്‍ തമ്മില്‍ വര്‍ഷത്തിന്റെ തുടക്കത്തില്‍ തന്നെ സാങ്കേതിക തലത്തിലുള്ള ചര്‍ച്ചകള്‍ ആരംഭിച്ചിരുന്നു. പുതുക്കിയ വ്യോമ സേവന കരാര്‍ പ്രകാരം ഇന്ത്യയിലും ചൈനയിലും തിരഞ്ഞെടുക്കപ്പെട്ട പോയിന്റുകളില്‍ നിന്നാണ് വിമാനക്കമ്പനികള്‍ക്ക് സര്‍വീസ് നടത്താന്‍ അനുമതി.

ഇന്‍ഡിഗോ ഇതിനകം തന്നെ സര്‍വീസ് നടത്താനുള്ള താല്‍പര്യം അറിയിച്ചിട്ടുണ്ട്. വിന്റര്‍ ഷെഡ്യൂളില്‍ നിന്നാണ് സര്‍വീസുകള്‍ ആരംഭിക്കുന്നത്.