പഴയ പത്രങ്ങള് എങ്ങനെ വായിക്കാം?
എന് പി രാജേന്ദ്രന്
കോഴിക്കോട്: കേരളത്തിലെ പല പത്രങ്ങളും അവരുടെ പഴയ പത്രങ്ങള് സൂക്ഷിക്കാറുണ്ടെങ്കിലും പരിശോധനക്ക് നല്കാന് തയ്യാറല്ല. എന്ത് ആവശ്യത്തിനായാലും അത് പറ്റില്ലെന്നാണ് അവരുടെ നയം. അത്തരമൊരു നയവും അവര്ക്കില്ല. ചിലര്ക്ക് ശേഖരം തന്നെയില്ല. ചിലര് അത് നിഷേധിക്കും. അതേക്കുറിച്ചാണ് പ്രമുഖ മാധ്യമപ്രവര്ത്തകനായ എന് പി രാജേന്ദ്രന് എഴുതുന്നത്:
''ഈയിടെ മാതൃഭൂമി ഓണ്ലൈന് വിഭാഗത്തില് ഡിജിറ്റൈസ് ചെയ്ത് സൂക്ഷിച്ച പഴയ പുസ്തകങ്ങളെക്കുറിച്ച് എഴുതിയപ്പോല് ചിലരെല്ലാം പഴയ പത്രങ്ങള് ഡിജിറ്റൈസ് ചെയ്തത് വായിക്കാന് പറ്റുമോ എന്നു ചോദിച്ചിരുന്നു. അവരെ നിരാശപ്പെടുത്തുന്ന മറുപടിയാണ് നല്കേണ്ടിവന്നത്.
ഇതിനെക്കുറിച്ച് ചിലതുകൂടി പറയേണ്ടതുണ്ടെന്നു തോന്നി. ഇന്ത്യയിലെ പത്രങ്ങള് അവരുടെ പഴയ പേജുകള് ജനങ്ങള്ക്കു നിഷേധിച്ചിരിക്കുകയാണ്. ഈ പത്രങ്ങളെയെല്ലാം വളര്ത്തി വലുതാക്കിയത് വായനക്കാരാണ്. പക്ഷേ, പഴയ ഒരു പേജ് എന്താവശ്യത്തിനായാലും ആവശ്യക്കാര്ക്ക് ലഭ്യമാക്കുന്നതിന്് ഒരു ക്രമമോ വ്യവസ്ഥയോ ഉണ്ടാക്കിയിട്ടില്ല ഇതുവരെ. പലര്ക്കും ശേഖരമേ ഇല്ല. ചിലര് ക്രൂരമായി നിഷേധിക്കും.
ദേശീയപത്രങ്ങളുടെ കൂടി നിലപാടുകള് പരിശോധിച്ച ശേഷം 2015 മാര്ച്ച് 16ന് ദ് ഹൂട്ട് എന്ന മാധ്യമകാര്യ ഓണ്ലൈന് പ്രസിദ്ധീകരണത്തില്, വായനക്കാരോടും ചരിത്രാന്വേഷകരോടും വരുംതലമുറയോടും തന്നെ കടുത്ത അപരാധമാണ് പത്രങ്ങള് ചെയ്യുന്നതെന്ന് വിവരിക്കുന്ന ഒരു ലേഖനം ( The 'first draft' of history: where is it?) ഞാന് എഴുതിയിരുന്നു.
എല്ലാ വികസിതരാജ്യങ്ങളിലും ഇതിന് സമഗ്രമായ പദ്ധതികളുണ്ട്. ബ്രിട്ടീഷ് ന്യൂസ് പേപ്പര് ആര്ക്കൈവ് സൈറ്റില് പോയി നോക്കൂ ഇന്നലെ വരെ അവര് 4.39 കോടി പത്രപേജുകള് ഡിജിറ്റൈസ് ചെയ്തിട്ടുണ്ട്. ബ്രിട്ടീഷ് ലൈബ്രറിയില് 1603 മുതലുള്ള വാര്ത്താപത്രികകള് ലഭ്യമാണ്. ബൈന്ഡ് ചെയ്ത ഏഴെട്ടുലക്ഷം വോള്യങ്ങള് വരും ഇത്. ഫീസ് അടച്ച് ഏതും വായിക്കാം, ഡൗണ്ലോഡ് ചെയ്യാം. ഓരോ ദിവസവും അത് കൂടിക്കൊണ്ടിരിക്കുന്നു. അമേരിക്കയില് നാഷനല് ഡിജിറ്റല് ന്യൂസ്പേപ്പര് പ്രോഗ്രാം എന്നൊരു പദ്ധതി തന്നെ ഉണ്ട്. ലോകരാജ്യങ്ങളുടെയെല്ലാം നിലയിലേക്കു ഇന്ത്യ എന്നാണാവോ എത്തുക!''
RELATED STORIES
കോണ്ഗ്രസ് വക്താവ് ഷമ മുഹമ്മദിനെതിരെ കേസ്
18 April 2024 6:50 AM GMTവടകര: തോല്വി ഉറപ്പായതോടെ യുഡിഎഫ് മാഫിയയെപ്പോലെ...
16 April 2024 12:51 PM GMTഖസബില് സ്പീഡ് ബോട്ട് അപകടത്തില് കോഴിക്കോട് സ്വദേശികളായ രണ്ടു...
14 April 2024 7:06 AM GMTകുടിവെള്ള വിതരണം; തിരഞ്ഞെടുപ്പ് കമ്മീഷന് ഇടപെടണം: എസ്ഡിപിഐ
13 April 2024 2:05 PM GMTമാധ്യമപ്രവര്ത്തകന് ബിമല് റോയ് അന്തരിച്ചു
12 April 2024 9:31 AM GMTവെള്ളമുണ്ട മാവോവാദി കേസ്: നാലു പ്രതികള്ക്കും തടവ്, രൂപേഷിന് 10 വര്ഷം
12 April 2024 9:24 AM GMT