ആലപ്പുഴ പുന്നമടയില്‍ ഹൗസ്ബോട്ടിന് തീപിടിച്ചു, തീയണയ്ക്കാന്‍ ശ്രമം

ആലപ്പുഴ: ആലപ്പുഴ പുന്നമടയില്‍ ഹൗസ്ബോട്ടിന് തീപിടിച്ചു. പുന്നമട സ്റ്റാര്‍ട്ടിങ് പോയിന്റിന് സമീപമാണ് അപകടം. ആര്‍ക്കും പരിക്കില്ലെന്നാണ് റിപോര്‍ട്ടുകള്‍. തീ അണയ്ക്കാനുള്ള ശ്രമം തുടരുന്നു. യാത്ര ആരംഭിക്കും മുന്‍പ് അപകടമുണ്ടായതുകൊണ്ട്, രണ്ട് വിനോദസഞ്ചാരികളെ സുരക്ഷിതമായി പുറത്തിറക്കാനായി.

ബാറ്ററിയില്‍ നിന്ന് ലീക്ക് ഉണ്ടായതാണ് അപകട കാരണമെന്നാണ് നിഗമനം. ഹൗസ്ബോട്ടിന്റെ ഉള്ളില്‍ അപകടകരമായി ഗ്യാസ് സിലിണ്ടറുണ്ടെന്നാണ് വിവരം. സിലിണ്ടര്‍ മര്‍ദ്ദം മൂലം പൊട്ടിതെറിക്കാന്‍ സാധ്യതയുണ്ട്.