ജിംനേഷ്യങ്ങള്ക്ക് ലൈസന്സ് നിര്ബന്ധമാക്കി ഹൈക്കോടതി
1963ലെ കേരള പബ്ലിക് റിസോര്ട്ട് നിയമപ്രകാരമാണ് സംസ്ഥാനത്തെ ജിംനേഷ്യങ്ങള്ക്ക് ലൈസന്സ് നിര്ബന്ധമാക്കിയത്
കൊച്ചി:സംസ്ഥാനത്ത് ജിംനേഷ്യങ്ങളുടെ പ്രവര്ത്തനത്തിന് ലൈസന്സ് നിര്ബന്ധമാക്കി ഹൈക്കോടതി.അടുത്ത മൂന്ന് മാസത്തിനുള്ളില് ജിംനേഷ്യങ്ങള് ലൈസന്സ് എടുക്കണമെന്ന് ഹൈക്കോടതി ഉത്തരവിട്ടു.നെയ്യാറ്റിന്കരയില് ലൈസന്സില്ലാതെ പ്രവര്ത്തിച്ചിരുന്ന ജിംനേഷ്യത്തിനെതിരെ സമീപവാസികള് നല്കിയ ഹരജികളിലാണ് വിധി.
ജിംനേഷ്യങ്ങളുടെ പ്രവര്ത്തനം ആളുകളെ ആകര്ഷിക്കുന്ന രീതിയിലും നിയമപരവുമായിരിക്കണമെന്ന് ഹൈക്കോടതി നിര്ദ്ദേശിച്ചു.സംഗീത, വിനോദ പരിപാടികള്ക്കും വിവിധ തരത്തിലുള്ള ഗെയിമുകള്ക്കുമൊക്കെവേണ്ടി സ്ഥിരമായോ താല്കാലികമായോ ഒരുക്കുന്ന ഹാളുകള്ക്കും മറ്റും ലൈസന്സ് നല്കാനാണ് ആക്ട് നടപ്പാക്കിയിട്ടുള്ളത്. ഇത് ജിംനേഷ്യങ്ങള്ക്കും ബാധകമാണെന്ന് ജസ്റ്റിസ് പി വി കുഞ്ഞികൃഷ്ണന്റെ ഉത്തരവില് പറയുന്നു.
യുവാക്കളുടെ പുണ്യസ്ഥലമായി ജിംനേഷ്യങ്ങള് മാറിയെന്ന് ഹൈക്കോടതി അഭിപ്രായപ്പെട്ടു. എല്ലാ പ്രായത്തിലുള്ളവരും ജിംനേഷ്യത്തില് പോകുന്നത് അഭിമാനമായി കാണുന്നു. ആരോഗ്യകരമായ ഒരു സമൂഹത്തിന് വേണ്ടിയാണ് ഇതെന്നതിനാല് നല്ല ലക്ഷണമാണ്. എന്നാല് മതിയായ ലൈസന്സോടെ വേണം ഇത്തരം സ്ഥാപനങ്ങള് പ്രവര്ത്തിക്കേണ്ടത്. ലൈസന്സില്ലാതെ ജിം പ്രവര്ത്തിക്കുന്നോ എന്ന് കണ്ടെത്താന് തദ്ദേശഭരണ സ്ഥാപനങ്ങള്ക്ക് സര്ക്കാര് നിര്ദ്ദേശം നല്കണം. ഉണ്ടെന്ന് കണ്ടാല് മൂന്നുമാസത്തിനകം ലൈസന്സ് എടുക്കണമെന്ന് നോട്ടിസ് നല്കണമെന്നും കോടതി വ്യക്തമാക്കി.1963ലെ കേരള പബ്ലിക് റിസോര്ട്ട് നിയമപ്രകാരമാണ് സംസ്ഥാനത്തെ ജിംനേഷ്യങ്ങള്ക്ക് ലൈസന്സ് നിര്ബന്ധമാക്കിയത്.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMTഗസ കൂട്ടക്കുരുതിയെ സഹായിക്കുന്നതിനെതിരെ ഗൂഗിള് ഓഫിസുകളിൽ വൻ സമരം;...
18 April 2024 10:05 AM GMT