സ്വര്‍ണം വീണ്ടും റെക്കോര്‍ഡ് വിലയില്‍

കൊച്ചി: സംസ്ഥാനത്ത് സ്വര്‍ണവില വീണ്ടും റെക്കോര്‍ഡ് വിലയില്‍. ഇന്ന് രാവിലെയുള്ള വര്‍ധനയ്ക്ക് പിന്നാലെ ഉച്ചയ്ക്ക് ശേഷവും വില വീണ്ടും കുതിച്ചുയര്‍ന്നു. രാവിലെ ഗ്രാമിന് 75 രൂപ കൂടി 12,350 രൂപയായ സ്വര്‍ണവില ഉച്ചയ്ക്ക് ഗ്രാമിന് 60 രൂപ 12,410 രൂപയും പവന് 600 രൂപ വര്‍ധിച്ച് 98,800 രൂപയായിരുന്ന സ്വര്‍ണവില ഉച്ചയോടെ 99,280 രൂപയുമായി.

ആഗോള വിപണിയിലും സ്വര്‍ണവില ഉയരുകയാണ്. സ്‌പോട്ട് ഗോള്‍ഡിന്റെ വില 1.07 ശതമാനം ഉയര്‍ന്ന് 4,346.28 ഡോളറിലെത്തി. യുഎസ് ഗോള്‍ഡ് ഫ്യൂച്ചര്‍ നിരക്ക് 1.17 ശതമാനം ഉയര്‍ന്ന് 4,379.15 ഡോളറിലെത്തി. ഡോളറിന്റെ കരുത്ത് കുറയുന്നതും യുഎസ് ട്രഷറി വരുമാനം ഇടിയുന്നതുമാണ് സ്വര്‍ണവില ഉയരുന്നതിനുളള പ്രധാനകാരണം.