ഗസ പ്രതിരോധത്തിന്റെ പ്രതീകം : അബ്ബാസ് അരാഗ്ച്ചി

ഗസ: ഗസ ഇപ്പോഴും പ്രതിരോധത്തിന്റെ പ്രതീകമാണെന്ന് വിദേശകാര്യ മന്ത്രി അബ്ബാസ് അരാഗ്ച്ചി .ഒരു കഷണം റൊട്ടിയും ഒരു കവിൾ വെള്ളവും മാനുഷിക സഹായവും ലഭിക്കാൻ കാത്തിരിക്കുന്ന വിശക്കുന്ന ആളുകളെ ആക്രമിക്കുന്നത് യുദ്ധക്കുറ്റകൃത്യങ്ങളുടെയും മനുഷ്യരാശിക്കെതിരായ കുറ്റകൃത്യങ്ങളുടെയും വ്യക്തമായ ഉദാഹരണമാണെന്ന് അദ്ദേഹം പറഞ്ഞു.

സഹായ വിതരണ കേന്ദ്രങ്ങളിൽ അമേരിക്കയുടെയും ഇസ്രായേലിന്റെയും മരണക്കെണികളിൽ കുടുങ്ങിയ 1,000 നിരപരാധികളുടെ രക്തച്ചൊരിച്ചിലിനും, ഗസയിലെ മരുന്ന്, ഭക്ഷണം, വെള്ളം എന്നിവയുടെ ദൗർലഭ്യം മൂലം 140 ദിവസത്തെ ക്രൂരമായ ഉപരോധത്തിന് ഇരയായ 600-ലധികം ദരിദ്രർക്കും അന്താരാഷ്ട്ര സമൂഹവും പടിഞ്ഞാറൻ രാജ്യങ്ങളിലെ മനുഷ്യാവകാശ വക്താക്കളും ഉത്തരവാദികളായിരിക്കുമെന്നും അദ്ദേഹം കൂട്ടിചേർത്തു.