മുംബൈയിലെ കസ്തൂര്‍ബ ആശുപത്രിയില്‍ ഗ്യാസ് ചോര്‍ച്ച; രോഗികളെ മാറ്റി

മുംബൈ: മുംബൈയിലെ ചിഞ്ച്‌പോക്ലി പ്രദേശത്തെ കസ്തൂര്‍ബ ആശുപത്രിയില്‍ എല്‍പിജി ചോര്‍ച്ച.ഇതിനെത്തുടര്‍ന്ന് 58 രോഗികളെ മാറ്റി. കൊവിഡ് ചികിത്സയിലുള്ള 20 പേരും മാറ്റപ്പെട്ടവരിലുണ്ട്.

ആശുപത്രിയുടെ 148 ാം നമ്പര്‍ കെട്ടിടത്തില്‍ രാവിലെ 11.34 നാണ് സംഭവം നടന്നതെന്ന് ബൃഹന്‍ മുംബൈ മുനിസിപ്പല്‍ കോര്‍പ്പറേഷന്റെ (ബിഎംസി) ഉദ്യോഗസ്ഥന്‍ പറഞ്ഞു. പാചകവാതക ചോര്‍ച്ച രോഗികളുടെ ബന്ധുക്കളിലും ആശുപത്രി ജീവനക്കാരിലും പരിഭ്രാന്തി പരത്തി.

ആശുപത്രിയിലെ മെഡിക്കല്‍ സൂപ്രണ്ട് ബിഎംസിയുടെ ദുരന്തനിവാരണ സംഘത്തെ അറിയച്ചതിനെ തുടര്‍ന്ന് അഗ്‌നിശമന സേന ഉദ്യോഗസ്ഥരും എച്ച്പിസിഎല്ലില്‍ നിന്നുള്ള സാങ്കേതിക വിദഗ്ധരും സ്ഥലത്തെത്തിയതായും അധികൃതര്‍ പറഞ്ഞു. സുരക്ഷാ നടപടിയുടെ ഭാഗമായി കെട്ടിടം പൂര്‍ണമായും ഒഴിപ്പിച്ചിട്ടുണ്ട്.