Latest News

മഹാരാഷ്ട്രയില്‍ ഇന്ധന നികുതി കുറയ്ക്കും; പ്രഖ്യാപനവുമായി മുഖ്യമന്ത്രി ഏക്‌നാഥ് ഷിന്‍ഡെ

മഹാരാഷ്ട്രയില്‍ ഇന്ധന നികുതി കുറയ്ക്കും; പ്രഖ്യാപനവുമായി മുഖ്യമന്ത്രി ഏക്‌നാഥ് ഷിന്‍ഡെ
X

മുംബൈ: മഹാരാഷ്ട്രയില്‍ ഇന്ധനത്തിന്റെ മൂല്യവര്‍ധിത നികുതി വെട്ടിക്കുറയ്ക്കുമെന്ന് മഹാരാഷ്ട്രയിലെ പുതിയ മുഖ്യമന്ത്രി ഏക്‌നാഥ് ഷിന്‍ഡെ. വിശ്വാസ വോട്ടെടുപ്പില്‍ നിയമസഭയില്‍ ഭൂരിപക്ഷം തെളിയിച്ചതിന് പിന്നാലെയാണ് ഷിന്‍ഡെയുടെ പ്രഖ്യാപനം. പുതിയ മന്ത്രിസഭയുടെ അടുത്ത യോഗത്തിന് ശേഷമായിരിക്കും വാറ്റ് വെട്ടിക്കുറയ്ക്കുക. നികുതി കുറയ്ക്കുന്നതോടെ സംസ്ഥാനത്തെ ഇന്ധന വിലയില്‍ കുറവുണ്ടാവും. ബിജെപി ഭരിക്കുന്ന മിക്ക സംസ്ഥാനങ്ങളും ഇന്ധനവില വെട്ടിക്കുറച്ചപ്പോള്‍ പ്രതിപക്ഷം ഭരിക്കുന്ന സംസ്ഥാനങ്ങള്‍ അതിന് തയ്യാറായില്ല.

കഴിഞ്ഞ വര്‍ഷം നവംബറില്‍ പെട്രോളിന്റെയും ഡീസലിന്റെയും എക്‌സൈസ് തീരുവ കേന്ദ്രം യഥാക്രമം അഞ്ചുരൂപ, 10 രൂപ വീതം കുറച്ചിരുന്നു. കേന്ദ്രത്തിന്റെ നിര്‍ദേശപ്രകാരം മിക്ക ബിജെപി ഭരിക്കുന്ന സംസ്ഥാനങ്ങളും വാറ്റ് കുറച്ചിരുന്നു. മെയില്‍ കേന്ദ്രം എക്‌സൈസ് തീരുവ വെട്ടിക്കുറച്ചതോടെ ബിജെപി ഭരിക്കുന്ന സംസ്ഥാനങ്ങള്‍ വാറ്റ് വീണ്ടും കുറച്ചു. എന്നാല്‍, പ്രതിപക്ഷം ഭരിക്കുന്ന സംസ്ഥാനങ്ങള്‍ തള്ളിക്കളഞ്ഞു. ഇത് തങ്ങളുടെ വരുമാനത്തെ പ്രതികൂലമായി ബാധിക്കുമെന്നാണ് സംസ്ഥാനങ്ങളും വാദമുന്നയിച്ചിരുന്നത്. ഉദ്ധവ് താക്കറെ സര്‍ക്കാര്‍ താഴെ വീണതിനെ തുടര്‍ന്ന് സര്‍ക്കാര്‍ രൂപീകരിക്കാന്‍ അവകാശവാദമുന്നയിച്ച് ബിജെപിയും ഷിന്‍ഡെയുടെ ശിവസേന വിഭാഗവും തമ്മിലുള്ള സഖ്യം ബുധനാഴ്ച രംഗത്തുവന്നു. പാര്‍ട്ടി എംപിമാരില്‍ മൂന്നില്‍ രണ്ട് പേരുടെ പിന്തുണയോടെ, യഥാര്‍ഥ ശിവസേനയാണ് തങ്ങളെന്നാണ് ഷിന്‍ഡെ അവകാശപ്പെടുന്നത്.

Next Story

RELATED STORIES

Share it