സ്വാതന്ത്ര്യ സമരവും ഇന്ത്യന്‍ മുസ്‌ലിംകളും; സ്റ്റുഡന്‍സ് ഇന്ത്യ വെബിനാര്‍ നാളെ

ജിദ്ദ: കൗമാരക്കാര്‍ക്കായി സ്റ്റുഡന്‍സ് ഇന്ത്യ സൗദിയിലുടനീളം സംഘടിപ്പിച്ചു വരുന്ന അവധിക്കാല പരിപാടി ടീന്‍ സ്പാര്‍ക്കിന്റെ ഭാഗമായി 'സ്വാതന്ത്ര്യ സമരവും ഇന്ത്യന്‍ മുസ്‌ലിംകളും' എന്ന തലക്കെട്ടിലുള്ള വെബിനാര്‍ ശനിയാഴ്ച നടക്കും. വൈകിട്ട് 4.30ന് സൂം പ്ലാറ്റ്‌ഫോം വഴി നടക്കുന്ന പരിപാടിയില്‍ ക്വില്‍ ഫൗണ്ടേഷന്‍ ഡയറക്ടര്‍ കെ കെ സുഹൈല്‍ മുഖ്യപ്രഭാഷണം നടത്തും

മാതൃരാജ്യത്തിന്റെ സ്വാതന്ത്ര്യ പോരാട്ടത്തില്‍ ജീവന്‍ ബലികഴിച്ച വാരിയന്‍ കുന്നത്ത് കുഞ്ഞഹമ്മദ് ഹാജി, ആലിമുസ്‌ലിയാര്‍ തുടങ്ങിയവര്‍ ഉള്‍പ്പെടെയുള്ള സ്വാതന്ത്ര്യ സമര പോരാളികളെ രക്തസാക്ഷി പട്ടികയില്‍ നിന്നും നീക്കം ചെയ്ത കേന്ദ്ര സര്‍ക്കാര്‍ നടപടി ആശങ്കയുളവാക്കുന്നതാണ്. ചരിത്രസത്യങ്ങള്‍ വളച്ചൊടിച്ച് പുതുതലമുറയെ വഴിതെറ്റിക്കാനുള്ള ആസൂത്രിതമായ നിരന്തര ശ്രമങ്ങള്‍ ഭരണകൂടത്തിന്റെ ആശീര്‍വാദത്തോടെ നടക്കുന്ന സാഹചര്യത്തിലാണ് കൗമാരക്കാര്‍ക്ക് അവബോധം നല്‍കുന്ന പരിപാടി സംഘടിപ്പിക്കുന്നതെന്ന് ഭാരവാഹികള്‍ അറിയിച്ചു. പരിപാടിയില്‍ യുവ ഗായിക സിദ്‌റത്തുല്‍ മുന്‍തഹ മുഖ്യാതിഥിയായി പങ്കെടുക്കും. ഫഹ്മിയ ഷാജഹാന്‍ അവതാരകയായിരിക്കും.