കനത്ത മഴ : നാലു ജില്ലകളില് വിദ്യാഭ്യാസ സ്ഥാപനങ്ങള്ക്ക് വ്യാഴാഴ്ച അവധി
തിരുവനന്തപുരം: കനത്ത മഴ തുടരുന്ന സാഹചര്യത്തില് കണ്ണൂര്, കാസര്കോട്, ഇടുക്കി, എറണാകുളം ജില്ലകളിലെ വിദ്യാഭ്യാസ സ്ഥാപനങ്ങള്ക്ക് വ്യാഴാഴ്ച അവധി പ്രഖ്യാപിച്ചു. നേരത്തേ പ്രഖ്യാപിച്ച പരീക്ഷകളില് മാറ്റമില്ല. കണ്ണൂര് ജില്ലയിലെ വിദ്യാഭ്യാസ സ്ഥാപനങ്ങള്, അങ്കണവാടികള്, മദ്റസകള്, ട്യൂഷന് സെന്ററുകള്, സ്പെഷല് ക്ലാസുകള് എന്നിവയ്ക്ക് അവധി ബാധകമാണ്.
കാസര്കോട് നാളെ പ്രഫഷണല് കോളജുകള്ക്ക് അടക്കം അവധി പ്രഖ്യാപിച്ചിട്ടുണ്ട്. ട്യൂഷന് സെന്ററുകള്, സ്പെഷല് ക്ലാസുകള്, അങ്കണവാടികള്, മദ്റസകള് തുടങ്ങിയവയ്ക്ക് നാളെ ജില്ലാ കലക്ടര് കെ ഇമ്പശേഖര് ഐഎഎസ് അവധി പ്രഖ്യാപിച്ചു. റെഡ് അലര്ട്ട് പ്രഖ്യാപിച്ച സാഹചര്യത്തില് ജില്ലയില് ക്വാറികള് മേയ് 29, 30 തീയതികളില് പ്രവര്ത്തിക്കുവാന് പാടില്ല. ഈ ദിവസങ്ങളില് റാണിപുരം ഉള്പ്പെടെയുള്ള വിനോദസഞ്ചാര കേന്ദ്രങ്ങള് അടച്ചിടും. ബീച്ചുകളിലേക്കും വിനോദസഞ്ചാരികള്ക്കു പ്രവേശനം അനുവദിക്കുന്നതല്ല. മലയോരങ്ങളിലേക്കുള്ള രാത്രികാല യാത്രകള് ഒഴിവാക്കണം.
ഇടുക്കി ജില്ലയിലെ മദ്റസകള്, ട്യുഷന് സെന്ററുകള്, ട്രെയിനിങ് ഇന്സ്റ്റിറ്റിയൂട്ടുകള്, പ്രഫഷനല് കോളജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും ബുധനാഴ്ച ജില്ലാ കലക്ടര് വി വിഘ്നേശ്വരി അവധി പ്രഖ്യാപിച്ചു. റസിഡന്ഷ്യല് വിദ്യാഭ്യാസ സ്ഥാപനങ്ങള്ക്ക് അവധി ബാധകമല്ല. വേനലവധിയുടെ ഭാഗമായുള്ള ക്ലാസുകള്, പ്രത്യേക കോച്ചിങ് സെഷനുകള് എന്നിവ പാടില്ല. നഷ്ടപെടുന്ന പഠന സമയം ഓണ്ലൈന് ക്ലാസ്സുകള് ഉള്പ്പടെ നടത്തി ക്രമീകരിക്കുന്നതിന് വിദ്യാഭ്യാസ സ്ഥാപന മേധാവികള് നടപടി സ്വീകരിക്കേണ്ടതാണെന്ന് കലക്ടറുടെ ഉത്തരവില് പറയുന്നു.
എറണാകുളം ജില്ലയില് ഓറഞ്ച് അലര്ട്ട് പ്രഖ്യാപിച്ച സാഹചര്യത്തില് പ്രഫഷനല് സ്ഥാപനങ്ങള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധിയായിരിക്കുമെന്ന് ജില്ലാ കലക്ടര് അറിയിച്ചു. അങ്കണവാടികള്ക്കും ട്യുഷന് സെന്ററുകള്ക്കും അവധി ബാധകമാണ്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
