ദേശീയ പ്രതിരോധത്തിനു മുന്നില്‍ വിദേശ രാജ്യങ്ങളുടെ അട്ടിമറി ശ്രമങ്ങള്‍ പരാജയപ്പെട്ടു: മസൂദ് പെസെഷ്‌കിയാന്‍

തെഹ്‌റാന്‍: ദേശീയ പ്രതിരോധത്തിനു മുന്നില്‍ വിദേശ രാജ്യങ്ങളുടെ രാജ്യത്തെ അട്ടിമറിക്കാനുള്ള ശ്രമങ്ങള്‍ പരാജയപ്പെട്ടുവെന്ന് ഇറാന്‍ പ്രസിഡന്റ് മസൂദ് പെസെഷ്‌കിയാന്‍ പറഞ്ഞു. ഇറാനിയന്‍ ജനത തങ്ങളുടെ മേല്‍ അടിച്ചേല്‍പ്പിച്ച യുദ്ധം പരാജയപ്പെടുത്തിയെന്ന് അദ്ദേഹം വ്യക്തമാക്കി.

അന്താരാഷ്ട്ര നിയമത്തിന്റെ ചട്ടക്കൂടിനുള്ളില്‍ നിന്ന് ചര്‍ച്ചകള്‍ തുടരുമെന്ന് പെസെഷ്‌കിയാന്‍ പറഞ്ഞു. ഹോര്‍മുസിനെക്കുറിച്ച് മുന്നറിയിപ്പ് നല്‍കിയ അദ്ദേഹം, അവിടെ ഉണ്ടാകുന്ന ഏതൊരു സംഘര്‍ഷവും ലോകമെമ്പാടും പ്രത്യാഘാതങ്ങള്‍ ഉണ്ടാക്കുമെന്ന് പറഞ്ഞു.

അമേരിക്ക തങ്ങളുടെ സമ്മര്‍ദ്ദ നയം ഉപേക്ഷിച്ച് ഇറാനിയന്‍ ജനതയുടെ അവകാശങ്ങളെ മാനിച്ചാല്‍, ഒരു കരാറിലേക്കുള്ള വഴി കണ്ടെത്താന്‍ കഴിയുമെന്നും അദ്ദേഹം സൂചിപ്പിച്ചു.