ഡല്ഹി തുഗ്ലക്കാബാദിലെ ചേരിയില് തീപിടുത്തം; ആളപായമില്ല
ന്യൂഡല്ഹി: തെക്ക് കിഴക്കന് ഡല്ഹിയിലെ തുഗ്ലക്കാബാദിലെ ചേരിപ്രദേശത്ത് വന് തീപിടുത്തം. തിങ്കളാഴ്ച അര്ധരാത്രിയ്ക്കു ശേഷമാണ് സംഭവം.
ഇന്ന് പുലര്ച്ചെ ഒരു മണിയോടെയാണ് തുഗ്ലക്കാബാദിലെ ചേരിയില് തീപിടുത്തമുണ്ടായ വിവരം ലഭിക്കുന്നത്. വിവരമറിഞ്ഞ ഉടനെ എല്ലാ പോലിസുകാരും സ്ഥലത്തെത്തി. ഇവിടെയുള്ള ഏതാണ്ട് 1000-1200 കുടിലുകള്ക്ക് തീപിടിച്ചു.''- സൗത്ത് ഈസ്റ്റ് പോലിസ് ഡെപ്യൂട്ടി കമ്മീഷണര് രാജേന്ദ്രപ്രസാദ് മീന പറഞ്ഞു.
''തീപിടിച്ചശേഷമാണ് പലരും അവരുടെ വീടുകള്ക്ക് പുറത്തുവന്നതെന്ന് പ്രദേശവാസികള് പറഞ്ഞു. വലിയ തീപിടുത്തമായതിനാല് അതിനെ കുറിച്ച് കൂടുതല് വിവരങ്ങള് ലഭ്യമായിട്ടില്ല''-അദ്ദേഹം പറഞ്ഞു. ഫയര് റെസ്ക്യൂ സര്വ്വീസ് തീ അണയ്ക്കുന്നതിനുള്ള ശ്രമം തുടരുകയാണ്. ആര്ക്കും ജീവഹനി നേരിട്ടതായി അറിവില്ല. കൂടുതല് റിപോര്ട്ടുകള് വന്നുകൊണ്ടിരിക്കുന്നതേയുളളൂ-അദ്ദേഹം പറഞ്ഞു.
ഫയര് ഫോഴ്സ് പറയുന്നത് അവര്ക്ക് 12.15 നാണ് വിവരം ലഭിക്കുന്നതെന്നാണ്. ഏകദേശം മുപ്പതോളം ഫയര് എഞ്ചിനുകള് സംഭവസ്ഥലത്തുണ്ട്. നിലവില് സ്ഥിതിഗതികള് നിയന്ത്രണത്തിലാണെന്നും ആളപായമില്ലെന്നും ഇന്ന് പുലര്ച്ചെ നാല് മണിക്ക് ഫയര്ഫോഴ്സ് അധികൃതര് മാധ്യമങ്ങളെ അറിയിച്ചു.
RELATED STORIES
നീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMTഇലക്ട്രിക് കാറിന് തീപിടിച്ചു; നാലംഗ മലയാളി കുടുംബത്തിന് കാലിഫോർണയിൽ...
26 April 2024 11:32 AM GMTകോഴിക്കോട്ട് കക്കാടംപൊയിലിൽ വോട്ടു ചെയ്യാൻ പോയ കുടുംബം സഞ്ചരിച്ച കാർ...
26 April 2024 11:14 AM GMTകണ്ണൂര്-ബെംഗളൂരു സര്വീസ് നിര്ത്തി എയര് ഇന്ത്യ
26 April 2024 11:13 AM GMT