ഫാദര്‍ സ്റ്റാന്‍ സ്വാമിയുടെ തടങ്കല്‍ മരണം വേദനാജനകം: യൂത്ത് കൗണ്‍സില്‍

കോഴിക്കോട്: ഫാദര്‍സ്റ്റാന്‍ സ്വാമിയുടെ മരണം ഫാസിസ്റ്റ് ഭരണകൂട ഭീകരതയുടെ ഏറ്റവും ഒടുവിലത്തെ ഉദാഹരണമാണെന്ന് കേരള മുസ്‌ലിം ജമാഅത്ത് യൂത്ത് കൗണ്‍സില്‍. ഏകദേശം അന്‍പത് വര്‍ഷത്തോളം ആദിവാസി മേഖലയില്‍ അവരുടെ ഉന്നമനത്തിനായി ചെലവഴിച്ച വൈദികന് പോലും നീതി ലഭിക്കാത്ത സാഹചര്യം ലോകത്തിനു മുമ്പില്‍ ഇന്ത്യ എന്ത് സന്ദേശമാണ് നല്‍കുന്നത്. അദ്ദേഹത്തിന്റെ വാര്‍ധക്യകാലത്ത് കള്ളക്കേസില്‍ കുടുക്കുകയും ജാമ്യം പോലും അനുവദിക്കാതെ ആവശ്യമായ സാധനങ്ങള്‍ ജയിലറക്കുള്ളിലും നല്‍കാതെ കൊടും ക്രൂരതയാണ് സംഘപരിവാര്‍ ഭരണകൂടം ചെയ്തത്. ഇനി ഒരാള്‍ക്കും ഇങ്ങനെ ഒരു അവസ്ഥ ഉണ്ടാകാതിരിക്കാന്‍ ജനാധിപത്യ മതേതര വിശ്വാസികള്‍ തയ്യാറാകണമെന്നും യൂത്ത് കൗണ്‍സില്‍ സംസ്ഥാന കോര്‍ഡിനേറ്റര്‍ എം ബി അമീന്‍ഷാ പറഞ്ഞു. ഫാദര്‍ സ്റ്റാന്‍ സ്വാമിയുടെ മരണത്തില്‍ അദ്ദേഹം അനുശോചനം രേഖപ്പെടുത്തി.