കാട്ടാന ആക്രമണത്തിൽ വായോധികക്ക് ദാരുണാന്ത്യം

മലപ്പുറം: മലപ്പുറത്ത് കാട്ടാനയുടെ ആക്രമണത്തിൽ വയോധിക കൊല്ലപ്പെട്ടു. മലപ്പുറം കിഴക്കെ ചാത്തല്ലൂരിലാണ് ദാരുണ സംഭവം നടന്നത്. പട്ടീരി വീട്ടിൽ കല്യാണി അമ്മ (68) ആണ് മരിച്ചത്.

വനത്തിനകത്തെ നീര്‍ചോലയിൽ കുളിക്കാൻ പോയ മക്കളെ അന്വേഷിച്ചുകൊണ്ടായിരുന്നു കല്യാണി അമ്മ സ്ഥലത്തെത്തിയത്. ഈ സമയത്ത് വനംവകുപ്പ് ഉദ്യോഗസ്ഥർ കാട്ടാനയെ ഓടിക്കാൻ ശ്രമിക്കുകയും സ്ഥലത്ത് ആർആർടി സംഘവും ഉണ്ടായിരിക്കുകയും ചെയ്തു. ഉദ്യോഗസ്ഥർ ആനയെ ഉൾക്കാട്ടിലേക്ക് തുരത്തുന്നതിനിടെ കല്യാണി അമ്മ മുന്നിലകപ്പെട്ടതോടെ കാട്ടാന ആക്രമിച്ചു.

പരിക്കേറ്റ കല്യാണി അമ്മയെ ഉടൻ ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല. മൃതദേഹം മഞ്ചേരി മെഡിക്കൽ കോളെജിലേക്ക് മാറ്റി.