കേരളത്തെ തകര്‍ത്ത പ്രളയത്തെ കുറിച്ച് സാങ്കേതിക പഠനം ആവശ്യപ്പെട്ട് ഹരജിയുമായി ഇ ശ്രീധരന്റെ സ്ഥാപനം

കൊച്ചി: കേരളത്തെ പിടിച്ചുകുലുക്കിയ പ്രളയത്തെക്കുറിച്ച് സാങ്കേതിക പഠനം ആവശ്യപ്പെട്ട് ഇ ശ്രീധരന്‍ പ്രസിഡന്റായ നാഷണല്‍ വാല്യു ഫൗണ്ടേഷന്‍ ഹരജിയുമായി ഹൈക്കോടതിയെ സമീപിച്ചു. സംസ്ഥാനത്തിന് പുറത്തു നിന്നുള്ള സാങ്കേതിക വിഭാഗത്തിനെ ഉള്‍പ്പെടുത്തി പഠനത്തിനുശള്ള സമിതി രൂപീകരിക്കണമെന്നാണ് ഹരജിയിലെ പ്രധാന ആവശ്യം.കേരളത്തില്‍ വന്‍ നാശം വിതച്ച ദുരന്തം ആവര്‍ത്തിക്കാതിരിക്കാന്‍ പ്രളയത്തിനു കാരണമായ വസ്തുതകള്‍ അന്വേഷിക്കണമെന്നാവശ്യപ്പെട്ട് നേരത്തെ മുഖ്യന്ത്രിയടക്കമുള്ളവര്‍ക്ക് നിവേദനം നല്‍കിയിട്ടും ഫലം കണ്ടില്ലെന്നും ഈ സാഹചര്യത്തിലാണ് കോടതിയെ സമീപിച്ചതെന്നും ഹരജിയില്‍ വ്യക്തമാക്കുന്നു. പ്രളയം മനുഷ്യനിര്‍മ്മിതമാണെന്നും ഹരജിയില്‍ വ്യക്തമാക്കുന്നു.കൃത്യമായ മുന്‍കരുതലുകള്‍ എടുത്തില്ലെങ്കില്‍ സമാന ദുരന്തങ്ങള്‍ ഇനിയും ആവര്‍ത്തിക്കാം.ഉന്നതതല ടെക്‌നിക്കല്‍ കമ്മിറ്റി രൂപീകരിച്ച് ദുരന്തത്തിന് കാരണമെന്തെന്ന് അന്വേഷിക്കണം. ഈ കമ്മിറ്റിക്ക് സര്‍ക്കാരിന്റെ പിന്തുണ ഉറപ്പുവരുത്തണമെന്നൂം ഹരജിയില്‍ ആവശ്യപ്പെടുന്നു. ഹരജി നാളെ ് പരിഗണിക്കും