കൊവിഡ് സര്‍ട്ടിഫിക്കറ്റില്‍ സംശയം: യുഎഇ വിമാനങ്ങള്‍ ഡെന്‍മാര്‍ക്ക് വിലക്കി

ദുബയ്: ദുബയില്‍ നിന്ന് പുറപ്പെടുന്നതിന് മുമ്പ് നല്‍കുന്ന കൊവിഡ് പരിശോധനകള്‍ വിശ്വസനീയമല്ലെന്ന സംശയം ഉയര്‍ന്നതിനെത്തുടര്‍ന്ന് യുനൈറ്റഡ് അറബ് എമിറേറ്റില്‍നിന്നുള്ള എല്ലാ വിമാനങ്ങളും അഞ്ച് ദിവസത്തേക്ക് താല്‍ക്കാലികമായി നിര്‍ത്തിവച്ചതായി ഡെന്‍മാര്‍ക്ക് അറിയിച്ചു.

ഇക്കാര്യം സമഗ്രമായി അന്വേഷിക്കാന്‍ അനുവദിക്കാനും പരിശോധന ശരിയായി നടക്കുന്നുണ്ടെന്ന് ഉറപ്പാക്കാനും തീരുമാനിച്ചതായി ഡാനിഷ് ഗതാഗത മന്ത്രി ബെന്നി ഏംഗല്‍ബ്രെച്റ്റ് പറഞ്ഞു. അന്വേഷണം തൃപ്തികരമാണെങ്കില്‍ വിലക്ക് നീക്കാനാണ് തീരുമാനം. ചൊവ്വാഴ്ചയോടെ ഇതില്‍ തീരുമാനമുണ്ടാകും.