Latest News

സുധാകരനെതിരേ വിജിലന്‍സ്; പേടിപ്പിക്കാന്‍ നോക്കേണ്ട; മുഖ്യമന്ത്രി വ്യക്തി വിരോധം തീര്‍ക്കുന്നുവെന്നും പ്രതിപക്ഷ നേതാവ്

സുധാകരനെതിരേ വിജിലന്‍സ്; പേടിപ്പിക്കാന്‍ നോക്കേണ്ട; മുഖ്യമന്ത്രി വ്യക്തി വിരോധം തീര്‍ക്കുന്നുവെന്നും പ്രതിപക്ഷ നേതാവ്
X

തിരുവനന്തപുരം: കെപിസിസി പ്രസിഡന്റ് കെ സുധാകരനെതിരേ കേസെടുത്ത് മുഖ്യമന്ത്രി വ്യക്ത വിരോധം തീര്‍ക്കുന്നുവെന്ന് പ്രതിപക്ഷ നേതാവ് വിഡി സതീശന്‍. പേടിപ്പിക്കാന്‍ നോക്കേണ്ട. ഒരു കേസും നിലനില്‍ക്കില്ല. ലോക്‌സഭ സ്പീക്കരുടെ അനുമതിയില്ലാതെ കേസെടുക്കാന്‍ കഴിയില്ലെന്നും വിഡി സതീശന്‍ പറഞ്ഞു.

കെപിസിസി പ്രസിഡന്റ് കെ സുധാകരന്റെ മുന്‍ ഡ്രൈവര്‍ പ്രശാന്ത് ബാബുവിന്റെ പരാതിയിലാണ് വിജിലന്‍സിന്റെ പ്രാഥമികാന്വേഷണത്തിന് ഉത്തരവിട്ടിരിക്കുന്നത്. അനധികൃത സ്വത്ത് സമ്പാദനത്തെ കുറിച്ച് അന്വേഷിക്കണമെന്നാവശ്യപ്പെട്ടാണ് പരാതി.

അന്വേഷണ ഉത്തരവ് വിജിലന്‍സ് ഡയറക്ടര്‍ കോഴിക്കോട് എസ്പി യ്ക്ക് കൈമാറി. കരുണാകരന്‍ ട്രസ്റ്റിന്റെ പേരിലും, പാര്‍ട്ടി ഓഫിസ് നിര്‍മാണവുമായി ബന്ധപ്പെട്ടും പണപ്പിരവ് നടത്തിയെന്നാണ് പരാതിയില്‍ പറയുന്നത്.

കെപിസിസി പ്രസിഡന്റിനെതിരേയുള്ള ആരോപണം രാഷ്ട്രീയ പ്രേരിതമെന്ന് മുതിര്‍ന്ന കോണ്‍ഗ്രസ് നേതാവ് രമേശ് ചെന്നിത്തല മാധ്യമങ്ങളോട് പറഞ്ഞു.

Next Story

RELATED STORIES

Share it