ഷിന്‍സൊ ആബെയുടെ ഹൃദയത്തിലേക്ക് ബുള്ളറ്റ് തുളച്ചുകയറിയെന്ന് ഡോക്ടര്‍മാര്‍

ടോക്യോ: മുന്‍ ജപ്പാന്‍ പ്രധാനമന്ത്രി ഷിന്‍സൊ ആബെയുടെ ഹൃദയത്തിലേക്കാണ് അദ്ദേഹത്തിന്റെ ജീവനെടുത്ത വെടിയുണ്ട പാഞ്ഞ് കയറിയതെന്ന് റിപോര്‍ട്ട്. നാരയില്‍ പ്രചാരണത്തിനിടയിലാണ് അദ്ദേഹത്തിനുനേരെ 41 വയസ്സുകാരന്‍ വെടിയുതിര്‍ത്തത്. വെടിയേറ്റ ഉടന്‍ തളര്‍ന്നുവീണ ആബെ ആശുപത്രിയില്‍വച്ച് മരിച്ചു.

ഹൃദയത്തില്‍ വലൊരു ദ്വാരം രൂപപ്പെട്ടുവെന്ന് അദ്ദേഹത്തെ ചികില്‍സിച്ച ഡോക്ടറും പറഞ്ഞു. കഴുത്തിലും രണ്ട് വെടിയുണ്ടകളുണ്ട്.

നാരയില്‍ വച്ചാണ് ആക്രമണം നടന്നത്. 41കാരനാണ് നിറയൊഴിച്ചത്.

ജപ്പാന്‍ പ്രധാനമന്ത്രി ഫുമിയൊ കിഷിദ ആദരാജഞലര്‍പ്പിച്ചു. സംഭവത്തെ അപലപിച്ചു.

കൊലപാതകിയുടെ വീട്ടില്‍നിന്ന് ആയുധങ്ങള്‍ കണ്ടെത്തി. നാടന്‍തോക്കുകൊണ്ടാണ് മുന്‍പ്രധാനമന്ത്രിയെ വധിച്ചത്.

പിന്നില്‍നിന്നാണ് കൊലയാളി എത്തിയത്. വെടിയുതിര്‍ത്തതും പിന്നില്‍നിന്നാണ്.

ആബെക്ക് 67 വയസ്സാണ്.