നിരവധി കേസുകളിലെ പ്രതി പിടിയില്‍

താനൂര്‍: നിരവധി കേസുകളില്‍ പ്രതിയായ താനൂര്‍ എടക്കടപ്പുറം ഈസുട്ടിന്റെ പുരക്കല്‍ അറഫാത്തിനെ (30)താനൂര്‍ പോലിസ് അറസ്റ്റ് ചെയ്തു. കാരാട് രജീഷ് എന്നയാളെ തലക്കു കല്ലുകൊണ്ട് കുത്തി പരിക്കേല്‍പ്പിച്ച കേസിലാണ് പ്രതി അറസ്റ്റിലായത്.

താനൂര്‍ പോലീസ് സ്‌റ്റേഷനിലും, തിരൂര്‍, കൊണ്ടോട്ടി, കാസര്‍കോട് കുമ്പള, തൃശൂര്‍ വെസ്റ്റ് എന്നീ സ്‌റ്റേഷനുകളിലും വധശ്രമം, കവര്‍ച്ച, കഞ്ചാവ് എന്നീ കേസുകള്‍ ഇയാള്‍ക്കെതിരെ നിലവിലുണ്ട്, പ്രതിയെ ഇന്ന് കോടതിയില്‍ ഹാജരാകും.