കൊവിഡ്: കുവൈറ്റില്‍ ഇന്ന് പുതിയ രോഗികളുടെ എണ്ണത്തില്‍ വന്‍കുറവ്; ഇന്ന് 7 മരണം

കുവൈത്ത് സിറ്റി: കുവൈറ്റില്‍ കൊവിഡ്19 രോഗബാധിതരുടെ എണ്ണത്തില്‍ മുന്‍ദിവസത്തേക്കാള്‍ കുറവ് രേഖപ്പെടുത്തി. ഇന്ന് നടത്തിയ 6,173 പരിശോധനകളില്‍ 1,063 പേര്‍ക്ക് കൊവിഡ് പോസിറ്റീവായി. അതോടെ കുവൈത്തില്‍ രോഗം ബാധിച്ചവരുടെ എണ്ണം 2,09,523 ആയി. ഇതില്‍ 209 രോഗികളുടെ നില ഗുരുതരമാണ്.

ഇന്ന് 7 കൊവിഡ് മരണങ്ങള്‍ റിപോര്‍ട്ട് ചെയ്തു. ഇതോടെ ആകെ മരിച്ചവരുടെ എണ്ണം 1,172 ആയി.

രാജ്യത്ത് രോഗവിമുക്തി നേടിയവരുടെ എണ്ണം 1,94,172 ആയി. 14,179 പേര്‍ നിലവില്‍ ചികില്‍സയിലാണ്.