സിഐഎസ്എഫ് ജവാന്മാര്ക്ക് കൊവിഡ്: തുടര്നടപടികള്ക്കായി മുതിര്ന്ന പോലിസ് ഉദ്യോഗസ്ഥരെ നിയോഗിച്ചു
കണ്ണൂരില് സിഐഎസ്എഫ് ജവാന്മാര്ക്ക് കൊവിഡ് സ്ഥിരീകരിച്ച സാഹചര്യത്തില് അവരുടെ ക്ഷേമത്തിനും സുരക്ഷയ്ക്കുമായി അടിയന്തിര നടപടി സ്വീകരിക്കണമെന്ന് അഭ്യര്ത്ഥിച്ച് സംസ്ഥാന പോലിസ് മേധാവി ലോക്നാഥ് ബെഹ്റ സിഐഎസ്എഫ് ഡയറക്ടര് ജനറലിനെ ഫോണില് ബന്ധപ്പെട്ടപ്പോഴാണ് ഇക്കാര്യം അറിയിച്ചത്.
തിരുവനന്തപുരം: സിഐഎസ്എഫ് ജവാന്മാരുടെ ക്ഷേമം ഉറപ്പാക്കുന്നതിനും അവര്ക്ക് ആശ്വാസം പകരുന്നതിനുമായി ഒരു മുതിര്ന്ന സിഐഎസ്എഫ് ഓഫിസറെ കണ്ണൂരിലേയ്ക്ക് ഉടന് അയക്കുമെന്ന് സിഐഎസ്എഫ് ഡയറക്ടര് ജനറല് അറിയിച്ചു. കണ്ണൂരില് സിഐഎസ്എഫ് ജവാന്മാര്ക്ക് കൊവിഡ് സ്ഥിരീകരിച്ച സാഹചര്യത്തില് അവരുടെ ക്ഷേമത്തിനും സുരക്ഷയ്ക്കുമായി അടിയന്തിര നടപടി സ്വീകരിക്കണമെന്ന് അഭ്യര്ത്ഥിച്ച് സംസ്ഥാന പോലിസ് മേധാവി ലോക്നാഥ് ബെഹ്റ സിഐഎസ്എഫ് ഡയറക്ടര് ജനറലിനെ ഫോണില് ബന്ധപ്പെട്ടപ്പോഴാണ് ഇക്കാര്യം അറിയിച്ചത്. മുഖ്യമന്ത്രി പിണറായി വിജയന്റെ പ്രത്യേക നിര്ദേശപ്രകാരമാണ് സംസ്ഥാന പോലിസ് മേധാവി സിഐഎസ്എഫ് ഡയറക്ടര് ജനറലിനെ ഫോണില് ബന്ധപ്പെട്ട് കാര്യങ്ങള് ധരിപ്പിച്ചത്.
കണ്ണൂര് ഡിഐജി കെ സേതുരാമന്, എസ്പി ജി എച്ച് യതീഷ് ചന്ദ്ര എന്നിവര് ഉടന്തന്നെ കണ്ണൂര് വിമാനത്താവളവും സിഐഎസ്എഫ് ബാരക്കുകളും സന്ദര്ശിക്കും. വിമാനത്താവളവും ബാരക്കുകളും അണുവിമുക്തമാക്കുന്ന പ്രക്രിയയ്ക്ക് ഇവര് നേതൃത്വം നല്കും. ഐജി തുമ്മല വിക്രമിനാണ് ഏകോപന ചുമതല. സംസ്ഥാനത്ത് സിഐഎസ്എഫ് ജവാന്മാരുടെ സുരക്ഷയും ആരോഗ്യവും ഉറപ്പാക്കുന്നതിന് എല്ലാ നടപടികളും സ്വീകരിച്ചതായി സംസ്ഥാന പോലിസ് മേധാവി ലോക്നാഥ് ബെഹ്റ അറിയിച്ചിട്ടുണ്ട്.
RELATED STORIES
പട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTവിദ്വേഷ പ്രസംഗം; പ്രധാനമന്ത്രിയോട് വിശദീകരണം തേടി തിരഞ്ഞെടുപ്പ്...
25 April 2024 7:43 AM GMTപ്രധാനമന്ത്രിയുടെ പ്രസംഗം എക്സ് ഹാന്റിലിൽ പങ്കുവെച്ചു; ബിജെപിക്കെതിരെ...
25 April 2024 7:34 AM GMTമമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMTപട്നയില് ജെഡിയു നേതാവിനെ വെടിവച്ചുകൊന്നു
25 April 2024 5:32 AM GMT