കാസര്‍ഗോഡ് ഐഎന്‍എല്‍ ജില്ലാ പ്രവര്‍ത്തക യോഗത്തില്‍ സംഘര്‍ഷം

കാസര്‍ഗോഡ് : ഐഎന്‍എല്‍ ജില്ലാ പ്രവര്‍ത്തക യോഗത്തില്‍ സംഘര്‍ഷം. ഉദുമയില്‍ സംഘടിപ്പിച്ച മെമ്പര്‍ഷിപ്പ് ഉദ്ഘാടന ചടങ്ങിനിടെയാണ് സംഘര്‍ഷം. കാസിം ഇരിക്കൂര്‍, വഹാബ് വിഭാഗങ്ങള്‍ തമ്മിലുള്ള വാക്കേറ്റം സംഘര്‍ഷത്തിലേക്ക് നീങ്ങിയതോടെ ഒരു വിഭാഗത്തെ ഹാളില്‍ നിന്ന് പുറത്താക്കി.

പക്ഷപാതപരമായാണ് മെമ്പര്‍ഷിപ്പ് വിതരണം എന്നാരോപിച്ച് ഒരു വിഭാഗം രംഗത്തെത്തുകയായിരുന്നു. ഇതോടെ ബഹളവും വാക്കേറ്റവുമായി. കയ്യാങ്കളിയിലേക്ക് നീങ്ങിയതോടെ ഒരു വിഭാഗത്തെ ഹാളില്‍ നിന്ന് പുറത്താക്കി ഔദ്യോഗിക വിഭാഗം പരിപാടി തുടരുകയായിരുന്നു.