നീറ്റിലിറങ്ങാന് തയ്യാറെടുത്ത് 'ചേരമാന് പെരുമാള്'
കൊടുങ്ങല്ലൂര്: മുസിരിസിന്റെ കായലോളങ്ങള്ക്ക് പ്രൗഡിയേകാന് ഇനി 'ചേരമാന് പെരുമാളും'. മുസിരിസ് പൈതൃക പദ്ധതിയുടെ ഭാഗമായി നടപ്പാക്കുന്ന ജലാശയ ടൂറിസം ത്വരിതപ്പെടുത്തുക എന്ന ലക്ഷ്യം വെച്ചാണ് പെരുമാള് നീറ്റിലിറങ്ങുക. 27ന് രാവിലെ 9.30 ന് കോട്ടപ്പുറം വാട്ടര് ഫ്രണ്ട് പരിസരത്ത് നടക്കുന്ന ബോട്ട് ലോഞ്ചിംഗ് അഡ്വ.വി ആര് സുനില്കുമാര് എംഎല്എ ഉദ്ഘാടനം ചെയ്യും.
കേരള ഷിപ്പിംഗ് ആന്റ് ഇന്ലാന്റ് നാവിഗേഷന് നിര്മ്മിച്ചു നല്കിയ മൂന്ന് ബോട്ടുകളില് രണ്ടാമത്തെ ബോട്ടാണ് ചേരമാന് പെരുമാള്. അത്യാധുനിക സംവിധാനങ്ങളോടെയുള്ള 24 സീറ്റിന്റെ ബോട്ടാണിത്. മൂന്ന് ബോട്ടുകള്ക്കായി 3.13 കോടി രൂപയാണ് ചെലവഴിക്കുന്നത്.
മുസിരിസ് പൈതൃക പദ്ധതിയുടെ ഭാഗമായി പുതിയ ജലാശയ ടൂര് പാക്കേജുകള് സംഘടിപ്പിക്കുന്നതിന്റെ ഭാഗമായാണ് വിവിധയിനം ബോട്ടുകള് നീറ്റിലിറക്കുന്നത്. ഉള്നാടന് ജലഗതാഗതത്തിന്റെ അനന്തസാധ്യതകള് കണ്ടെത്തുന്നതിനും വില്ലേജ് ടൂറിസം പ്രോത്സാഹിപ്പിക്കുന്നതിനും വേണ്ടിയുള്ള വിവിധ തരത്തിലുള്ളതായിരിക്കും ജലാശയ ടൂര് പാക്കേജുകളെന്ന് മുസിരിസ് പൈതൃക പദ്ധതി മാനേജിംഗ് ഡയറക്ടര് ഡോ. കെ മനോജ് കുമാര് പറഞ്ഞു.
കൊടുങ്ങല്ലൂര് നഗരസഭ ചെയര്പേഴ്സണ് എം യു ഷിനിജ അധ്യക്ഷത വഹിക്കുന്ന ചടങ്ങില് വൈസ് ചെയര്മാന് കെ ആര് ജൈത്രന്, നഗരസഭ സ്റ്റാന്റിംഗ് കമ്മിറ്റി ചെയര്മാന്മാരായ എല്സി പോള്, കെ എസ് കൈസാബ്, ലത ഉണ്ണികൃഷ്ണന്, ഷീല പണിക്കശ്ശേരി, ഒ എന് ജയദേവന്, കൗണ്സിലര്മാരായ വി എം ജോണി, ഫ്രാന്സിസ് ബേക്കണ്, മുസിരിസ് പൈതൃക പദ്ധതി മാനേജിംഗ് ഡയറക്ടര് ഡോ. കെ മനോജ് കുമാര്, മാര്ക്കറ്റിംഗ് മാനേജര് ഇബ്രാഹിം സബിന് എന്നിവര് പങ്കെടുക്കും.
RELATED STORIES
താജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMTസ്ഥിരമായി കാട്ടാന ആക്രമണം; നൂറ് കണക്കിന് മരങ്ങളും കൃഷിയും നശിപ്പിച്ചു; ...
28 March 2024 10:14 AM GMTകെജ് രിവാളിന് മുഖ്യമന്ത്രിയായി തുടരാം; നീക്കണമെന്ന ഹരജി ഡല്ഹി...
28 March 2024 9:38 AM GMTയുഎഇയില് മലയാളി ഉടമയുടെ ചതിയില്പ്പെട്ട മുന് സൈനികന് 40 ലക്ഷം...
28 March 2024 9:13 AM GMTസിഎഎ യോഗ്യതാ സർട്ടിഫിക്കറ്റ് മതപുരോഹിതർക്ക് നൽകാനാകുമെന്ന് കേന്ദ്ര...
28 March 2024 7:02 AM GMTസിദ്ധാർഥന്റെ മരണം: ജുഡീഷ്യൽ അന്വേഷണത്തിനുള്ള ഗവർണറുടെ തീരുമാനം...
28 March 2024 6:35 AM GMT