ചന്ദ്രശേഖര് ആസാദിനെ ഹൈദരാബാദ് പോലിസ് അറസ്റ്റ് ചെയ്തു
ചന്ദ്രശേഖര് ആസാദ് പങ്കെടുക്കേണ്ട പ്രതിഷേധ പരിപാടിക്ക് അനുമതിയില്ലെന്ന് ആരോപിച്ചായിരുന്നു നടപടി.
ഹൈദരാബാദ്: പൗരത്വ ഭേദഗതി ബില്ലിനെതിരേയും പൗരത്വ പട്ടികക്കെതിരേയും പ്രതിഷേധിക്കാനെത്തിയ ഭീം ആര്മി നേതാവ് ചന്ദ്രശേഖര് ആസാദ് ഹൈദരാബാദില് അറസ്റ്റില്. ഹൈദരാബാദിലെ ലങ്കര്ഹൗസ് പോലിസ് ആണ് അദ്ദേഹത്തെ ആദ്യം കസ്റ്റഡിയിലെടുത്തത്. ചന്ദ്രശേഖര് ആസാദ് പങ്കെടുക്കേണ്ട പ്രതിഷേധ പരിപാടിക്ക് അനുമതിയില്ലെന്ന് ആരോപിച്ചായിരുന്നു നടപടി.
ചന്ദ്രശേഖറെയും അദ്ദേഹത്തിന്റെ സഹപ്രവര്ത്തകരെയും ക്രിസ്റ്റല് മെഹ്ദിപട്ടണത്തെ പ്രതിഷേധ പരിപാടിയില് പങ്കെടുക്കാന് പോകുന്ന വഴിയാണ് തടഞ്ഞത്. അവിടെ നിന്ന് ലങ്കര് ഹൈസ് പോലിസ്, അദ്ദേഹത്തെ ബൊലറാം പോലിസ് സ്റ്റേഷനിലേക്കെത്തിച്ചു.
അനുമതിയില്ലാതെ പ്രതിഷേധം നടത്താനൊരുങ്ങിയതിനാലാണ് 151 പ്രകാരം അദ്ദേഹത്തെ കസ്റ്റഡിയിലെടുത്തതെന്നും പെട്ടെന്നു തന്നെ വിട്ടയക്കുമെന്നും ഹൈദരാബാദ് പോലിസ് കമ്മിഷണര് അന്ജനി കുമാര് മാധ്യമങ്ങളോട് പറഞ്ഞു.
151 ാം വകുപ്പനുസരിച്ച് പൊതുജനങ്ങള്ക്ക് ശല്യമുണ്ടാക്കുകയോ സമാധാനത്തിന് ഭംഗമുണ്ടാക്കാന് തുനിയുകയോ ചെയ്യുന്നവരെ പോലിസിന് അറസ്റ്റ് ചെയ്യുകയോ കസ്റ്റഡിയിലെടുക്കുകയോ ചെയ്യാം.
ജനുവരി 16 നാണ് ചന്ദ്രശേഖര് ആസാദ് തിഹാര് ജയിലിലെ 10 ദിവസത്തെ ജയില്വാസത്തിനു ശേഷം പുറത്തിറങ്ങിയത്.
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMT