കാസര്‍കോട് ഓടിക്കൊണ്ടിരുന്ന കാറിന് തീപ്പിടിച്ചു

കാസര്‍കോട്: പുല്ലൊടിയില്‍ ഓടിക്കൊണ്ടിരുന്ന കാറിന് തീപ്പിടിച്ചു. പൊയ്‌നാച്ചി സ്വദേശി വേണുഗോപാലിന്റെ കാറാണ് കത്തിയമര്‍ന്നത്. കാറിലുണ്ടായിരുന്ന അഞ്ചുപേരും രക്ഷപ്പെട്ടു. രാവിലെ 11.30നായിരുന്നു സംഭവം. പുക ഉയരുന്നത് കണ്ട് യാത്രക്കാര്‍ ഉടന്‍തന്നെ പുറത്തിറങ്ങിയതിനാല്‍ വന്‍ ദുരന്തമൊഴിവായി. ഫയര്‍ഫോഴ്‌സ് എത്തിയപ്പോഴേക്കും കാര്‍ പൂര്‍ണമായി കത്തിനശിച്ചിരുന്നു.