കശ്മീരില്‍ സൈനികവാഹനം നദിയിലേക്ക് മറിഞ്ഞു; നിരവധി മരണങ്ങള്‍

ശ്രീനഗര്‍: ജമ്മു കശ്മീരില്‍ സുരക്ഷാസേന സഞ്ചരിച്ചിരുന്ന വാഹനം നദിയിലേക്ക് മറിഞ്ഞ് നിരവധി പേര്‍ മരിച്ചു. ബ്രേക്ക് തകരാറാണ് അപകടകാരണമെന്നാണ് പ്രാഥമിക വിവരം. വാഹനത്തില്‍ 39 പേരാണ് സഞ്ചരിച്ചിരുന്നത്.

ചന്ദന്‍വാരിയില്‍ നിന്ന് പഹല്‍ഗാമിലേക്കുള്ള യാത്രാമധ്യേയാണ് സൈന്യം അപകടത്തില്‍പ്പെട്ടത്. 37 ഇന്തോ-ടിബറ്റന്‍ ബോര്‍ഡര്‍ പോലിസ് (ഐടിബിപി) ഉദ്യോഗസ്ഥരും രണ്ട് ജമ്മു കശ്മീര്‍ പോലിസ് ഉദ്യോഗസ്ഥരുമാണ് ബസിലുണ്ടായിരുന്നത്.

കൂടുതല്‍ വിവരങ്ങള്‍ ലഭ്യമായിട്ടില്ല.