ജലജീവന് പദ്ധതിയിലുള്പ്പെടുത്തി പാലക്കാട് ജില്ലയില് 27,622 കുടിവെള്ള കണക്ഷനുകള് നല്കും
പാലക്കാട്: ജലജീവന് പദ്ധതിയുടെ ഭാഗമായി ജില്ലയില് പുതിയതായി 27,622 കുടിവെള്ള കണക്ഷനുകള്ക്ക് ജില്ലാതല ജലശുചിത്വ മിഷന് അംഗീകാരം നല്കി. ജില്ലാ കലക്ടര് മൃണ്മയീ ജോഷിയുടെ അധ്യക്ഷതയില് ഓണ്ലൈനായി ചേര്ന്ന ജലജീവന് മിഷന് ജില്ലാതല യോഗത്തിലാണ് തീരുമാനം. ജില്ലയിലെ ഒമ്പത് പഞ്ചായത്തുകളിലായി 271 കോടി രൂപയുടെ പദ്ധതികള്ക്കാണ് അംഗീകാരം നല്കിയിരിക്കുന്നത്. സംസ്ഥാനതല ജലശുചിത്വ മിഷന്റെ ഭരണാനുമതി ലഭിക്കുന്നതോടെ പദ്ധതികള് പ്രാവര്ത്തികമാകും. ആദിവാസി മേഖലകളില് ഈ വര്ഷം കുടിവെള്ള കണക്ഷനുകള് പൂര്ണമായും ഉറപ്പാക്കുന്നതിനുള്ള പദ്ധതികള് തയ്യാറാക്കാന് യോഗത്തില് ജില്ലാ കലക്ടര് നിര്ദ്ദേശം നല്കി. ജില്ലയിലെ 88 പഞ്ചായത്തുകളെ സഹായിക്കുന്നതിനായി ഇംപ്ലിമെന്റേഷന് സപ്പോര്ട്ടിങ് ഏജന്സികളെ നിയോഗിച്ച് ഇവര്ക്ക് വിദഗ്ധ പരിശീലനം നല്കാനും യോഗത്തില് തീരുമാനമായി.
യോഗത്തില് കുഴല്മന്ദം ബ്ലോക്ക് പഞ്ചായത്ത് പ്രസിഡണ്ട് മിനി നാരായണന്, കേരള വാട്ടര് അതോറിറ്റി പ്രോജക്ട് ഡിവിഷന് എക്സിക്യൂട്ടീവ് എഞ്ചിനീയര് എന്.ആര് ഹരി, ബന്ധപ്പെട്ട ജില്ലാതല ഉദ്യോഗസ്ഥര് എന്നിവര് പങ്കെടുത്തു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
