സൗദിയില്‍ ലോറി മറിഞ്ഞ് അപകടം; ആന്ധ്രാപ്രദേശ് സ്വദേശി മരിച്ചു

ജുബൈല്‍: സൗദി കിഴക്കന്‍ പ്രവിശ്യയിലെ അബുഹൈദരിയാ റോഡില്‍ ലോറി മറിഞ്ഞ് അപകടം. അപകടതിതില്‍ ആന്ധ്രാപ്രദേശ് സ്വദേശി വെങ്കടേഷ് നാങ്കി(34)യാണ് മരിച്ചത്. ലോറി റോഡില്‍നിന്ന് തെന്നിമാറിയാണ് അപകടം ഉണ്ടായത്. വാഹനം ഓടിച്ചിരുന്ന വെങ്കിടേഷ് സംഭവസ്ഥലത്ത് വച്ച് തന്നെ മരിച്ചു.

ഇന്നലെ വൈകിട്ടായിരുന്നു അപകടം. മൃതദേഹം ഔദ്യോഗിക നടപടികള്‍ പൂര്‍ത്തിയാക്കിയതിനു ശേഷം നാട്ടിലേക്ക് കൊണ്ടുപോകുമെന്ന് പ്രവാസി വെല്‍ഫെയര്‍ ജനസേവന വിഭാഗം കണ്‍വീനര്‍ സലിം ആലപ്പുഴ അറിയിച്ചു.