ക്ഷേമനിധി ബോര്ഡുകളിലെ ഇരട്ട അംഗത്വം ഒഴിവാക്കാന് നടപടി
തിരുവനന്തപുരം: തൊഴില് വകുപ്പിന് കീഴിലുള്ള 16 ക്ഷേമനിധി ബോര്ഡുകളുടെയും പ്രവര്ത്തനം ഏകോപിപ്പിക്കാനും ഇരട്ട അംഗത്വം ഒഴിവാക്കാനും നടപടി സ്വീകരിക്കുമെന്ന് തൊഴില് വകുപ്പ് മന്ത്രി വി.ശിവന്കുട്ടി. മന്ത്രിയുടെ ചേംബറില് ചേര്ന്ന തൊഴില്വകുപ്പ് ഉദ്യോഗസ്ഥരുടെ അവലോകനയോഗത്തില് അധ്യക്ഷത വഹിക്കുകയായിരുന്നു അദ്ദേഹം. ഇരട്ട അംഗത്വം ഒഴിവാക്കുന്നതിന് ക്ഷേമനിധി ബോര്ഡുകളില് രജിസ്റ്റര് ചെയ്തിരിക്കുന്ന തൊഴിലാളികളുടെ വിവര ശേഖരണം നടത്തും.
ക്ഷേമനിധി ബോര്ഡുകളില് അര്ഹതപ്പെട്ടവര്ക്ക് ആനുകൂല്യം ഉറപ്പാക്കണം. ബോര്ഡുകള് വഴി നല്കുന്ന ആനുകൂല്യങ്ങള് സംബന്ധിച്ച് തൊഴിലാളികളില് അവബോധമുണ്ടാക്കണം. അംഗത്വം വര്ധിപ്പിക്കുന്നതിനായി വിവിധ ക്ഷേമനിധി ബോര്ഡുകളുമായി ആലോചിച്ച് കാമ്പയിനുകളും സ്പെഷ്യല് ഡ്രൈവുകളും നടത്തുമെന്നും മന്ത്രി പറഞ്ഞു.
തൊഴില് വകുപ്പ് ഓഫിസുകള് തൊഴിലാളി സൗഹൃദമാക്കണമെന്നതാണ് സര്ക്കാരിന്റെ നിലപാട്. ഇതിന് അനുസൃതമായ നടപടികള് സ്വീകരിക്കുന്നതിന് തയാറാകണം. ലഭിക്കുന്ന പരാതികളിലും അപേക്ഷകളിലും പ്രതിദിന നടപടികള് സ്വീകരിക്കുന്നതിന് ഉദ്യോഗസ്ഥര് ജാഗ്രത കാണിക്കണം. പൊതുജനങ്ങള് പരാതികളും അപേക്ഷകളും നല്കിയാല് ഉടനടി പരിഹരിക്കപ്പെടും എന്ന ബോധ്യം ഉറപ്പു വരുത്താന് ഓഫിസുകള്ക്ക് കഴിയണം. രജിസ്ട്രേഷന്, രജിസ്ട്രേഷന് പുതുക്കല് ഉള്പ്പെടെ അപേക്ഷ ലഭിക്കുന്ന ദിനത്തില് തീര്പ്പുകല്പ്പിക്കാന് നടപടികള് സ്വീകരിക്കുന്നത് സംസ്ഥാനത്തിന്റെ ഈസ് ഓഫ് ഡൂയിംഗ് ബിസിനസിന് കരുത്താകുമെന്നും മന്ത്രി ചൂണ്ടിക്കാട്ടി.
യോഗത്തില് ലേബര് കമ്മീഷണര് ഡോ. എസ്.ചിത്ര സ്വാഗതം ആശംസിച്ചു. അഡീഷണല് ലേബര് കമ്മീഷണര്മാര്, റീജണല് ജോയിന്റ് ലേബര് കമ്മീഷണര്മാര്, ജില്ലാ ലേബര് ഓഫിസര്മാര് ഉള്പ്പെടെയുള്ള ജീവനക്കാരും പങ്കെടുത്തു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
