ജിദ്ദയില്‍ റോഡ് മുറിച്ചുകടക്കുന്നതിനിടെ മലയാളി കുടുംബത്തിനുനേരെ വാഹനം പാഞ്ഞുകയറി; നാല് വയസ്സുകാരി മരിച്ചു

പാലക്കാട്: സൗദിയിലെ ജിദ്ദയില്‍ റോഡ് മുറിച്ചുകടക്കുന്നതിനിടെ മലയാളി കുടുംബത്തിനുനേരെ വാഹനം പാഞ്ഞുകയറി. അപകടത്തില്‍ നാല് വയസ്സുകാരി മരിച്ചു. ജിദ്ദയിലെ റിഹൈലില്‍ ഇന്നലെ അര്‍ധരാത്രിയാണ് അപകടം നടന്നത്.

പാലക്കാട് തെക്കുമുറി(തൂത)സ്വദേശി പുളിക്കല്‍ മുഹമ്മദ് അനസ്സിന്റെ മകള്‍ ഇസ മറിയ(4)മാണ് മരിച്ചത്.

കൂടെയുണ്ടായിരുന്ന മാതാവടക്കമുള്ളവര്‍ക്കും പരിക്കുപറ്റി. എല്ലാവരെയും കിങ് അബ്ദുല്ല ആശുപത്രിയില്‍ പ്രവേശിപ്പിച്ചു.

സന്ദര്‍ശക വിസയില്‍ എത്തിയ കുടുംബമാണ് അപകടത്തില്‍പ്പെട്ടത്.

മൃതദേഹം ജിദ്ദയില്‍ത്തന്നെ ഖബറടക്കും.