മലപ്പുറത്ത് ക്വാറിയിലെ വെള്ളക്കെട്ടില്‍ വീണ് വിദ്യാര്‍ത്ഥി മരിച്ചു

മലപ്പുറം: മലപ്പുറം വടക്കുംമുറി പാറക്കലില്‍ ക്വാറിയിലെ വെള്ളക്കെട്ടില്‍ വിദ്യാര്‍ത്ഥി മുങ്ങിമരിച്ചു. കോട്ടക്കല്‍ രണ്ടത്താണി പൂവന്‍ചിറ സ്വദേശിയ കോട്ടയില്‍ കുഞ്ഞാലിയുടെ മകന്‍ നാദിസ് അലിയാണ് മരിച്ചത്.

പ്ലസ് ടു വിദ്യാര്‍ത്ഥിയാണ്.

നാട്ടകാര്‍ നേരിട്ട് രക്ഷാപ്രവര്‍ത്തനം നടത്തിയിരുന്നെങ്കിലും രക്ഷിക്കാനായില്ല. മൃതദേഹം ആശുപത്രിയിലേക്ക് മാറ്റി.