പാലക്കാട് സ്വദേശി ദമാമില്‍ ഹൃദയാഘാതത്തെ തുടര്‍ന്ന് നിര്യാതനായി

ദമാം: പാലക്കാട് ചാലിശ്ശേരി കരക്കാട് വലിയകത്ത് മുഹമ്മദ് ഖലീല്‍ (47) ദമാമില്‍ ഹൃദയാഘാതത്തെ തുടര്‍ന്ന് നിര്യാതനായി. പ്രമുഖ വ്യവസായ സംരംഭകന്‍ വലിയകത്ത് മുഹമ്മദ് ഷാഫിയുടെ സഹോദരനാണ്. ഞായറാഴ്ച രാത്രി പത്തരയോടെ ദമാമിലെ അല്‍ റൗദ ആശുപത്രിയിലായിരുന്നു അന്ത്യം. താമസസ്ഥലത്ത് വെച്ച് ദേഹാസ്വാസ്ഥ്യം അനുഭവപ്പെട്ടതിനെത്തുടര്‍ന്ന് അടിയന്തിര ചികിത്സ ലഭ്യമാക്കിയെങ്കിലും രക്ഷിക്കാനായില്ല.

രണ്ട് പതിറ്റാണ്ടോളമായി കുടുംബസമേതം ദമാമിലുള്ള മുഹമ്മദ് ഖലീല്‍ ഒന്നരമാസം മുമ്പാണ് അവധി കഴിഞ്ഞ് തിരിച്ചെത്തിയത്. പരേതനായ മുഹമ്മദ് ഉസ്മാന്‍ ഹാജിയാണ് പിതാവ്. മാതാവ്.ഫാത്തിമ നൂര്‍ജഹാന്‍.

ഭാര്യ: നിഷ.മക്കള്‍: മുഹമ്മദ് അസ്മില്‍,മുഹമ്മദ് സുഹൈര്‍,സൈനബ്,ഫാത്തിമ നസ്രിന്‍. മറ്റു സഹോദരങ്ങള്‍. മുഹമ്മദ് റാഫി , മുഹമ്മദ് ഷമീര്‍( ദമാം), ഉമൈറ. മൃതദേഹം ദമാമില്‍ ഖബറടക്കും.