മലപ്പുറം സ്വദേശി ദമാമില്‍ കൊവിഡ് ബാധിച്ച് മരിച്ചു

മലപ്പുറം: മലപ്പുറം കോഡൂര്‍ സ്വദേശി ഷാഹുല്‍ഹമീദ് ദമാമില്‍ കൊവിഡ് ബാധിച്ച് മരിച്ചു. 40 വയസ്സായിരുന്നു. രോഗം ബാധിച്ചതിനെ തുടര്‍ന്ന് റൂമില്‍ തന്നെ കഴിയുകയായിരുന്നു.

ഇന്ന് ഉച്ചയ്ക്ക് വീട്ടിലേക്ക് വിളിച്ച് ബന്ധുക്കളുമായി സംസാരിച്ചുവെങ്കിലും വൈകീട്ടത്തോടെ രോഗം മൂര്‍ച്ഛിച്ച് മരിച്ചു.

ഭാര്യ നൂര്‍ജഹാന്‍. മക്കള്‍: ഇര്‍ഫആന്‍ നാഫിഹ, മുഹമ്മദ് റയാന്‍. പിതാവ്: ഉണ്ണീന്‍ കുട്ടി, മാതാവ്: ആസ്യ.

ഹനീഫ, നൗഷാദ് സക്കീന തുടങ്ങിയവര്‍ സഹോദരങ്ങളാണ്.