എ ആര് നഗര് സ്വദേശിയെ മൈസൂരില് ദുരൂഹ സാഹചര്യത്തില് മരിച്ച നിലയില് കണ്ടെത്തി
എ ആര് നഗര് യാറത്തുംപടി പാലമടത്തില്ചിന സ്വദേശി പാലമടത്തില് പരേതനായ കുഞ്ഞലവി ഹാജിയുടെ മകന് ഹംസ (35) നെയാണ് മൈസൂര് രാംരാജ് നഗറിലെ താമസ സ്ഥലത്തു മരിച്ച നിലയില് കണ്ടെത്തിയത്.
തിരൂരങ്ങാടി: എ ആര് നഗര് സ്വദേശിയെ മൈസൂരില് ദുരൂഹ സാഹചര്യത്തില് മരിച്ച നിലയില് കണ്ടെത്തി. എ ആര് നഗര് യാറത്തുംപടി പാലമടത്തില്ചിന സ്വദേശി പാലമടത്തില് പരേതനായ കുഞ്ഞലവി ഹാജിയുടെ മകന് ഹംസ (35) നെയാണ് മൈസൂര് രാംരാജ് നഗറിലെ താമസ സ്ഥലത്തു മരിച്ച നിലയില് കണ്ടെത്തിയത്. മൈസൂരില് ബേക്കറിയും ലോഡ്ജും നടത്തുകയായിരുന്നു. പുലര്ച്ചെ പൊള്ളലേറ്റ് മരിച്ചതായി പാര്ട്ണര് ബന്ധുക്കളെ അറിയിക്കുകയായിരുന്നു.
അതേസമയം, മരണത്തില് ദുരൂഹതയുള്ളതായി ബന്ധുക്കള് പറഞ്ഞു. തനിക്ക് എന്തെങ്കിലും സംഭവിച്ചാല് ഉത്തരവാദികളെന്നു ചൂണ്ടിക്കാട്ടി പാര്ട്ണറുടെയും ജോലിക്കാരന്റെയും പേര് വെച്ച് ഫോണില് സ്റ്റാറ്റസ് വെച്ചിരുന്നതായും ഇവര് പറഞ്ഞു. ബന്ധുക്കള് മൈസൂരിലേക്ക് പുറപ്പെട്ടിട്ടുണ്ട്. സംഭവത്തില് ചിലരെ മൈസൂര് പോലിസ് കസ്റ്റഡിയിലെടുത്തതായി അറിയുന്നു
മാതാവ്: ഖദീജ. ഭാര്യ: ഹഫ്സത്ത് (തോട്ടശ്ശേരിയറ) മകള്: ആഇശ ശിഫ. സഹോദരങ്ങള്: മുഹമ്മദ് ബാവ , ഉമര് (പത്ര ഏജന്റ്), മന്സൂര്, നഫീസ, സഫിയ.
RELATED STORIES
കൊല്ലത്ത് ഇടിമിന്നലേറ്റ് കശുവണ്ടി ഫാക്ടറി ജീവനക്കാരന് മരിച്ചു
30 April 2024 3:58 PM GMTവര്ഗീയ വിഷം ചീറ്റുന്ന പ്രധാനമന്ത്രിക്കെതിരേ കേസെടുക്കുക: എസ് ഡിപിഐ
30 April 2024 2:21 PM GMTമല്സ്യത്തൊഴിലാളികളുടെ ആനുകൂല്യങ്ങള് പുനസ്ഥാപിക്കുക: മുസ്തഫ കൊമ്മേരി
30 April 2024 1:15 PM GMTപനമണ്ണ വിനോദ് വധം: രണ്ടുപേരെ കോടതി വെറുതെവിട്ടു
30 April 2024 11:33 AM GMTതിരുവനന്തപുരം മെഡിക്കല് കോളജില് ജീവനക്കാരിക്ക് ക്രൂരമര്ദ്ദനം;...
30 April 2024 10:13 AM GMTഇസ്രായേല് പ്രധാനമന്ത്രി നെതന്യാഹുവിനെതിരെ അറസ്റ്റ് വാറന്റ്...
30 April 2024 10:11 AM GMT