പ്രായപൂര്‍ത്തിയാകാത്ത ആണ്‍കുട്ടിയെ ലഹരി നല്‍കി പീഡിപ്പിച്ചു; ബന്ധു അറസ്റ്റില്‍

തിരുവനന്തപുരം: പ്രായപൂര്‍ത്തിയാകാത്ത ആണ്‍കുട്ടിയെ ലഹരി നല്‍കി ലൈംഗികമായി പീഡിപ്പിച്ച സംഭവത്തില്‍ ബന്ധുവായ യുവാവ് അറസ്റ്റില്‍. വിതുര സ്വദേശി അഖില്‍ അച്ചു(20)ആണ് അറസ്റ്റിലായത്. ഒരു വര്‍ഷം മുന്‍പാണ് സംഭവം. ബന്ധുവായ 13 കാരനെ നിരന്തരമായി അഖില്‍ പീഡിപ്പിച്ചിരുന്നു.

അമിതമായി ലഹരിയോട് ആസക്തി കാണിച്ച കുട്ടിയുടെ പെരുമാറ്റത്തില്‍ വീട്ടുകാര്‍ക്ക് സംശയം തോന്നിയതോടെ മാതാപിതാക്കള്‍ കുട്ടിയോട് ചോദിച്ചപ്പോഴാണ് ബന്ധുവായ യുവാവ് തന്നെ നിരന്തരമായി പീഡിപ്പിച്ചിരുന്നുവെന്ന കാര്യം പുറത്തറിയുന്നത്. മാതാപിതാക്കള്‍ ഉടനെ ചൈല്‍ഡ് ലൈനിനെ വിവരമറിയിക്കുകയും കൗണ്‍സിലിംഗിലൂടെ വിവരങ്ങള്‍ ശേഖരിച്ച ശേഷം അധികൃതര്‍ പോലിസിനെ വിവരം അറിയിക്കുകയായിരുന്നു. അതിന്റെ അടിസ്ഥാനത്തിലാണ് അഖിലിനെ പോലിസ് അറസ്റ്റു ചെയ്തത്.