കടലില്‍ മല്‍സ്യബന്ധനം നടത്തുന്നതിനിടെ കുഴഞ്ഞുവീണു മരിച്ചു

കൊയിലാണ്ടി: കൊയിലാണ്ടിയില്‍ നിന്ന് മത്സ്യബന്ധത്തിനു പോയ മത്സ്യത്തൊഴിലാളി കുഴഞ്ഞുവീണു മരിച്ചു. പെരുവട്ടൂര്‍ നരിക്കുനിയില്‍ ഫാത്തിമാസില്‍ അബൂബക്കര്‍ (61) ആണ് മരിച്ചത്.

ഇന്നലെ വൈകീട്ട് ആറുമണിയോടെയായിരുന്നു സംഭവം. വഞ്ചിയില്‍ മത്സ്യബന്ധത്തിന് പോയ അബൂബക്കറിന് കടലില്‍വെച്ച് ദേഹാസ്വാസ്ഥ്യം അനുഭവപ്പെടുകയും തുടര്‍ന്ന് കുഴഞ്ഞു വീഴുകയുമായിരുന്നു. ഉടന്‍ തന്നെ വഞ്ചി കരയ്‌ക്കെത്തിച്ച് കൊയിലാണ്ടി താലൂക്ക് ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം കൊയിലാണ്ടി താലൂക്ക് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.

ഭാര്യ: ഷെരീഫ. മക്കള്‍: സമദ്, സുമയ്യ, സെഹദ്. മരുമകന്‍: ശംസുദ്ദീന്‍.