പഴയ വൈത്തിരിയില്‍ കടയിലേക്ക് ബസ് ഇടിച്ചുകയറി; നാല്‍പ്പതോളം പേര്‍ക്ക് പരിക്ക്

കല്‍പ്പറ്റ: വയനാട് പഴയ വൈത്തിരിയില്‍ സ്വകാര്യബസ് കടയിലേക്ക് ഇടിച്ചുകയറി. കോഴിക്കോട്-സുല്‍ത്താന്‍ബത്തേരി റോഡിലോടുന്ന 'ഫാന്റസി'യാണ് അപകടത്തില്‍പെട്ടത്. നാല്‍പ്പതിലേറെപ്പേര്‍ക്ക് പരിക്കുപറ്റി. അതില്‍ മൂന്ന് പേരുടെ നില ഗുരുതരമാണ്.

പഴയ വൈത്തിരിയിലെ സ്റ്റാര്‍ ജനറല്‍ ട്രേഡേഴ്‌സിലേക്കാണ് ബസ് ഇടിച്ചുകയറിയത്.

അപകടകാരണം വ്യക്തമല്ല. പോലിസും നാട്ടുകാരും രക്ഷാപ്രവര്‍ത്തനം തുടരുന്നു.