നിലമ്പൂര്‍ വനത്തില്‍ രണ്ടു മാസം പഴക്കമുള്ള മൃതദേഹം കണ്ടെത്തി

മലപ്പുറം: നിലമ്പൂര്‍ പൂക്കോട്ടുംപാടത്ത് വനത്തില്‍ രണ്ടു മാസം പഴക്കമുള്ള മൃതദേഹം കണ്ടെത്തി. അച്ചനള ഭാഗത്തേക്ക് പോകുന്ന വനമേഖലയിലാണ് മൃതദേഹം കണ്ടത്. അച്ചനള നഗറില്‍ താമസിക്കുന്ന പ്രാക്തന ഗോത്രവിഭാഗത്തില്‍പ്പെട്ടയാളുടെ മൃതദേഹമാണോ ഇതെന്ന് സംശയമുണ്ട്. ഇവര്‍ പരമ്പരാഗതമായി ഉപയോഗിക്കുന്ന കൊട്ടയും കത്തിയും മൃതദേഹത്തിന് സമീപത്ത് നിന്ന് കണ്ടെത്തിയിട്ടുണ്ട്.

പോലിസും വനംവകുപ്പും തുടര്‍ നടപടികള്‍ ആരംഭിച്ചു. കടുവാ സെന്‍സസിന്റെ ഭാഗമായി ക്യാമറ സ്ഥാപിക്കാന്‍ പോയ വനപാലകരാണ് മൃതദേഹം കണ്ടെത്തിയത്.